Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, һәбсдә олан АИП Астара рајон комитә сәдри Фамил Шүкүровун ҹинајәт иши үзрә мәһкәмә просеси Астара Рајон Мәһкәмәсинин һакими Мүбариз Мәммәдовун сәдрлији илә баша чатыб.
Мәһкумун јахынларынын билдирдијинә ҝөрә, просесдә чыхыш едән дөвләт иттиһамчысы тәгсирләндирилән шәхсин 3 ил мүддәтинә азадлыгдан мәһрум едилмәсини истәјиб. Бундан сонра һаким һөкмү елан етмәк үчүн мүшавирәјә ҝедиб. Мүшавирәдән сонра һөкм елан олунуб. Һөкмә әсасән, Ф. Шүкүров вә онунла бирҝә һәбс едилән даһа ики нәфәр 1 ил 6 ај мүддәтинә азадлыгдан мәһрум едилиб.
Мәлумата ҝөрә, просес иштиракчылары вә мәһкумларын јахынлары һөкм елан олунандан сонра һакимә етираз едибләр, мәһкәмәнин сифаришли вә әдаләтсиз олдуғуну, јаланчы шаһидләрин үзә дурдугларыны билдирибләр.
Гејд едәк ки, Фамил Шүкүров февралын 17-дә Әрчиван кәндиндә кечирилән аксијадан сонра сахланылыб. Даһа сонра партија функсионери барәсиндә рајон мәһкәмәсинин гәрары илә ики ајлыг һәбс гәтимкан тәдбири сечилиб. Истинтагы Дахили Ишләр Назирлији апарыб. Фамил Шүкүров Ҹинајәт Мәҹәлләсинин 233-ҹү (иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә) маддәси илә ШӘРЛӘНӘРӘК мәсулијјәтә ҹәлб едилиб. Нәһајәт 3 аја јахын давам едән мәһкәмә проссеси 26 август, 2014-дә сона јетиб.
Диггәт: Хәбәрдән истифадә етдикдә мәнбәјә истинад лазымдыр
