Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Јәмәнин пајтахты Сәна шәһәри ганичән “тәкфирчи” үнсүрләр тәрәфиндән Шәһадәтә јетирилмиш ики Шиә баласы үчүн кечирилән дәфн мәрасиминин шаһиди олуб.
24 јашлы Әмин әл-Димни илә онун әмиси оғлу Муҹаһид әл-Димни Сәна шәһәринин Гадисијјә хијабанында јерләшән әл-Гәдир китабханасында чалышдыглары билдирилиб.
Мәлумата ҝөрә, Әмин вә Мүҹаһид ҝүнүн ҝүнорта чағы Әһли Бејтин (әлејһимус сәлам) гаты дүшмәнләри олан азғын сәләфи-тәкфирчи силаһлы үнсүрләри тәрәфиндән гәтлә јетирилмишләр.
Вәһһаби террорчу шәбәкәсинин азғын үнсүрләри сәссиз тапанҹадан атәш ачараг ики ҹаван Шиә баласыны Шәһид етдикләри дејилир. Дәфн мәрасиминдә иштирак едәнләр “тәкфирчиләрин” бу аддымыны Јәмәндә тајфа вә мәзһәб гаршыдурмасыны аловландырмаға ҹәһд ҝөстәрмәк кими гијмәтләндирәрәк ҹинајәткарларын ҹәзаларына чатдырылмаларыны тәләб едибләр. Дәфн мәрасими Јәмәнин Бәни әтәр шәһәринин Димнә кәндиндә кечирилиб.
Шәһид олан Шиә ҹаванларынын гардашларындан бири олан Фәһд Димни билдириб: “Муҹаһид вә Әмин лигауллаһа (админ: Аллаһ Тааланын ҝөрүшүнә) чатдылар. Мән бу Шәһадәти онлара тәбрик әрз едирәм. Биз дә өз нөвбәмиздә бу ики Шәһидин јолуну давам етдирәҹәјик.”
Јәмәнли фәаллардан бири бу һаггда ачыглама верәрәк билдириб: “Бу хошаҝәлмәз ҹинајәт һадисәси Јәмәндә АБШ вә сионист ишғалчыларынын сијасәтләринә хидмәт ҝөстәрән аддымларын бир һиссәсидир.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
