Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Украjна Тәһлүкәсизлик Хидмәти Русиjа кәшфиjjатынын забити Игор Стрелкову ахтарыша вериб. Украjнанын шәргиндә диверсиjа әмәлиjjатларына башчылыг едән Игор Стрелков сепаратчы "Донетск Халг Республикасы”нын силаһлы гүввәләринин команданы тәjин олунуб.
Бу барәдә гондарма режимин рәһбәри Денис Пушил ачыглама вериб.
Украjна Тәһлүкәсилик Хидмәти Игор Стрелковун Русиjа кәшфиjjаты илә апардығы телефон данышыгларыны геjдә алдығыны ачыглаjыб. Украjна мәтбуаты Игор Стрелковун Крымдакы мәлум һадисәләрдә дә иштирак етдиjини иддиа едиб.
Игор Стрелков Русиjа мәтбуатына вердиjи ачыгламасында Украjна ордусуна меjдан охуjуб. Билдириб ки, "Донетск Халг Республикасы”нын өзүнүмүдафиә гүввәләринин кифаjәт гәдәр силаһы вә тәҹрүбәли дөjүшчүләри вар.
Онун сөзләринә ҝөрә, Украjна "Донетск Халг Республикасы”на гаршы һүҹумлары даjандырмаса, әлиндәки украjналы әсирләри өлдүрәҹәк.
Игор Стрелков геjд едиб ки, "Донетск Халг Республикасы”на гаршы вурушанлар арасында милләтчи екстремситләр дә вар: "Вәзиjjәтин ҝәрҝинләшмәси үчүн онлар тәхрибатлар төрәдирләр. Биз екстремистләрә вә муздлулара атәш ачмалы олсаг истәр-истәмәз Украjна ордусунун әсҝәрләрини дә өлдүрмүш оларыг".
Русиjа мәтбуатынын вердиjи хәбәрә ҝөрә, "Донетск Халг Республикасы"нын силаһлы гүввәләри Украjна кәшфиjjатынын 3 забити әсир ҝөтүрүб. Мәлумата ҝөрә, Украjна Тәһлүкәсизлик Хидмәтинин забитләри Горловка шәһәринә дахил олараг jерли милис идарәсинә нәзарәт едән Игор Безлери һәбс етмәк әмри алдыгларыны билдирибләр.
Әсир ҝөтүрүлмүш забитләрә ишҝәнҹәләр верилдиjи тәгдим етдиjимиз ҝөрүнтүләрдә jер алыб.
Диггәт: Хәбәрдән истифадә етдикдә мәнбәjә истинад лазымдыр
İslaminsesi.az
