Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, “Золотаја Корона” (Русија) бејнәлхалг пулкөчүрмә системи Азәрбајҹанын Ермәнистан тәрәфиндән ишғал олунмуш Дағлыг Гарабағ бөлҝәсиндә әмәлијјатлар һәјата кечирир.
Бу барәдә “АПА-Economics”ә дахил олан мәктубда дејилир.
Мәктуб Фариз Мурадов (АЗ 1007, Бакы шәһәри, Аббас Сәһһәт күч. 24 үнванындан) адлы шәхс тәрәфиндән ҝөндәрилиб.
Мәктубда билдирилир: “Диггәтинизә чатдырмаг истәрдим ки, “Золотаја Корона” пулкөчүрмә системи Азәрбајҹан Мәркәзи Банкынын тәләбләрини позараг ишғал алтында олан Дағлыг Гарабағ әразисинә әмәлијјатлар һәјата кечирир. Буна сүбут олараг “Золотаја Корона”нын өдәниш терминаллары вә “АК БАРС” (Русија) банкы васитәсилә һәјата кечирилән әмәлијјатларын гәбзләрини дә сизә тәгдим едирәм. Гәбз үзәриндә ҝөстәрилиб ки, әмәлијјатлар Степанакерт (Ханкәнди - ред.) шәһәринә һәјата кечирилир. Шәһәр исә Ермәнистанын тәркибиндә ҝөстәрилиб. Нәзәрә алсаг ки, “Золотаја Корона” Азәрбајҹан Мәркәзи Банкынын тәләбләри һаггында хәбәрдар иди, бу факт ҹәзасыз галмамалыдыр, системин Азәрбајҹан әразисиндә фәалијјәтинә сон гојулмалыдыр”.
Онудагејдедәкки, мәктубрусҹајазылыб (фото - 1).
Мәктубдан мәлум олур ки, әмәлијјаты һәјата кечирән Рогачов Илја Олегович адлы шәхсдир. Онун ҝөндәрдији 1 000 рус рублу исә Ханкәндидә Бадалјан Самвел Ашотовичә чатыб. Әмәлијјатын гәбзи мәктуба тикилиб (фото - 2, 3, 4 вә 5). Гәбзин үзәриндә “АК БАРС” банкынын мөһүрү дә вар.
“Золотаја Корона” ширкәтинин мәтбуат хидмәтинин рәһбәри Кирилл Горелов “АПА-Economics”ә ачыгламасында билдириб ки, јаранмыш вәзијјәт сағлам рәгабәт апара билмәјән ширкәтләрин тәхрибатыдыр: “Тәәссүфләр олсун ки, “АПА-Economics”ин редаксијасына ҝөндәрилән мәктуб сон дәрәҹә хошаҝәлмәз тәхрибатдыр. Бу, һагсыз рәгабәт фактыны ширкәтимизин Азәрбајҹан банклары илә әмәкдашлығына зијан вурма ҹәһди кими дәјәрләндиририк. Ермәнистан Мәркәзи Банкынын 2012-ҹи илин сонунда чыхардығы гәрара әсасән, бу өлкәнин бүтүн баклары “Золотаја Корона” илә әмәкдашлығы дајандырыб (Ермәнистан Мәркәзи Банкы “Золотаја Корона”дан Дағлыг Гарабаға да әмәлијјатлар һәјата кечирмәсини тәләб едиб, лакин рәдд ҹавабы алыб - ред.). Әмәлијјаты һәјата кечирән шәхс (Рогачов Илја Олегович - ред.) бизимлә рәгабәтдә олан “Contact” пулкөчүрмә системинин әмәкдашыдыр. Дүнән (шәнбә - ред.) биз “Contact”ын баш офисинә зәнҝ етмишик вә һәмин шәхслә бизи ҹалашдырыблар”.
К.Гореловдаһабирмараглымәгаматохунуб. Белә ки, “АК БАРС” банкдан “Золотаја Корона” васитәсилә Русија, МДБ өлкәләринә (Ермәнистандан башга) вә Түркијәјә пул көчүрмәк мүмкүндүр. Банкынсајтындабунасүбутдавар - (http://www.akbars.ru/individuals/transfers/).
Мараглы бир вәзијјәт јараныр: тәхрибат олса да, олмаса да, әмәлијјат баш тутуб. Өзү дә ермәни ишғалчыларынын Степанакерт адландырдығы әразијә. Бу суалымыз исә К.Горелову чох дүшүндүрсә дә, ҹавабы ешитмәдик.
“Золотаја Корона” нүмајәндәсинин дедикләринин һәгигәт олуб-олмадығы дәгигләшдирмәк үчүн Рогачов Илја Олеговичлә (мәктубда онун мобил телефон нөмрәси кими +79168470366
+79168470366 ҝөстәрилиб – ред.) әлагә сахласаг да, зәнҝләримиз ҹавабсыз галыб.
“Contact” системиндән вә Азәрбајҹанын Мәркәзи Банкындан мәсәләјә мүнасибәт билдирмәк истәмәјибләр.
Диггәт: Хәбәрдән истифадә етдикдә мәнбәјә истинад лазымдыр
