Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ласана Дијаранын Москва Локомотив Футбол Клубундакы програмынын иҹрачы мүдири Һафбек билдириб: “Франсалы ојунчу һеч бир заман Суријаја ҝетмәјиб вә онун террорчу груплашмалар сырасына гатылараг Бәшшар Әсәд һөкүмәтинә гаршы вурушмасы һагда јајылан хәбәрләр һәгигәти әкс етдирмир.”
Ласана Дијара һәмчинин өзүнүн Твиттер сәһифәсиндә Суријаја ҝедиши һагда хәбәри тәкзиб едәрәк, Суријада ҝедән дахили мүһарибәдә иштрак етдији хәбәри рәдд едиб.
Хатырладаг ки, Лондонда ишыг үзү ҝөрән “Мемри” газети бир нечә ҝүн өнҹә билдирмишдир: “Инҝилтәрәнин Арсенал футбол клубунун сабиг ојунчулары “Ираг вә Шам Ислам Дөвәлти” адлы террорчу груплашмасына гошулараг маһир футболчудан маһир бир террорчуја чеврилибләр.”
Гејд олунан газетин интернет вариантындакы Мемри ТВ бөлүмүндә јајымланан видеода футболчу кими танытдырылан Әбу Иса Әндәлуси ләгәби үзү бағлы шәхс бүтүн Мүсәлманлардан “Ираг вә Шам Ислам Дөвләти” адлы террорчу груплашмаја гошулмаларыны истәјиб.”
Ласана Дијаранын Твиттер сәһифәсиндәки шәкили
Мемри ТВ бөлүмүндә јајымланан видеода иддиа олунан футболчу
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
