Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Республикасынын президент Илһам Әлијев НАТО баш катибинин јени тәјин олунмуш мүавини Сорин Дукаруну гәбул едиб.
НАТО баш катибинин јени тәјин олунмуш мүавини Сорин Дукару НАТО-нун баш катиби Андерс Фог Расмуссенин саламларыны өлкә башчысына чатдырыб.
Ҝөрүш заманы НАТО илә Азәрбајҹан арасында тәрәфдашлыг әлагәләринин артыг 20 иллик тарихә малик олдуғуну вурғулајан гонаг бу әлагәләрин инкишафынын өнәмини гејд едиб.
Сорин Дукару билдирди ки, өлкәмизә сәфәринин әсас мәгсәди НАТО-нун “Сүлһ Наминә Тәрәфдашлыг” Програмынын 20 иллик јубилејиндә вә еләҹә дә “Сүлһ вә Тәһлүкәсизлик наминә елм” програмы үзрә кечириләҹәк информасија ҝүнләриндә иштирак етмәкдир.
Илһам Әлијев НАТО-нун Брүсселдәки мәнзил- гәрарҝаһында кечирдији уғурлу ҝөрүшләри, апарылан мүзакирәләри мәмнунлугла хатырладыб. Азәрбајҹанын НАТО илә әмәкдашлығынын бөјүк тарихә малик олдуғуну вурғулајан Илһам Әлијев тәрәфдашлыг әлагәләринин мүхтәлиф саһәләрдә, хүсуси илә енержи вә Әфганыстан илә бағлы әмәкдашлыг саһәсиндә бундан сонра да давам етдириләҹәјинә үмидвар олдуғуну билдириб.
Андерс Фог Расмуссенин саламларына ҝөрә миннәтдарлығыны билдирән Илһам Әлијев, онун да саламларыны НАТО-нун баш катибинә чатдырмағы хаһиш едиб.
АБНА- ХәбәрАҝентлијипресидент.аз-аистинадла
Диггәт: Хәбәрдән истифадә етдикдә мәнбәјә истинад лазымдыр
