Билдиjимиз кими Азәрбаjҹан халгы мүстәгиллик әлдә етдикдән сонра мүхтәлиф һадисәләрлә үзләшиб. Бу просесләр һәр нә гәдәр мүсбәт характер дашыjырса да, халгымызын рифаһында да о гәдәр тәсир гоjа билиб.
Ҹари илдә ардыҹыл һәjата кечирилән интиһар һадисәләри ҹәмиjjәтимиздә онсуз да мөвҹуд олан Гарабағ проблемини, игтисади-сосиал саһәдәки ҝәрҝинлиjи, Һиҹаб мәсәләсини, һәрби һиссәләрдә баш верән өзбашыналыглары вә саирләри архада гоjуб.
Интиһар бүтүн Илаһи мәктәбләрдә бирмәналы олараг писләнсә дә, тәәссүф ки, өтән әсрдән башлаjараг Гәрбдә, хүсусән Авропада дәрин көк салыб вә ҹәмиjjәтләри һәлли чох ағыр олан суал гаршысында гоjуб. Секулjар тәфәккүрүнә ҝүнбәҝүн гәрг олан Гәрбдән фәргли олараг Мүсәлман дүнjасы бу фәлакәтдән кифаjәт гәдәр сығорталанмаjыб.
Амма тәәссүфләр олсун ки, вәтәнимиздә бу һадисәләр ади һала чеврилмәкдәдир. Мүшаһидәләр ҝөстәрир ки, проблем jашлы нәсли деjил, даһа чох ҹаванларымызы тәһдид едир вә бу да бөһранын дәринлиjиндән хәбәр верир. Интиһар о заман баш верир ки, бу аддымы атан шәхсин зеһнә ҝәлән бүтүн үмид гапылары онун үзүнә бағланыр.
Һәрчәнд ки, бу саһәдә чалышан мүтәхәссисләр онун сәбәбинин мүхтәлиф саһәләрдән jарандығыны геjд едирләр. Унутмаг олмаз ки, инсанын белә психоложи дурума дүшмәсинә әсас сәбәбләрдән бири дә игтисади вә сосиал саһәдә олан ҝәрҝинликләрдир. Бу да сәбәб олур ки, мөвҹуд проблемдән чыхыш jолуну интиһарла тапмаға чалышсынлар. Интиһара тәһрик едән мәсәләләрдән бири кими игтисади вә сосиал чәтинликләрдән jаранан аиләдахили иғтишашлары да вурғуламаг лазымдыр.
Разылашаг ки, бунларын һәр бири тәкликдә кифаjәт гәдәр ваҹиб амил ола биләр вә бир чох инсанлар мүхтәлиф заманларда бу кими проблемләрлә үзләшибләр. Амма чыхыш jолуну интиһарда ҝөрмәjибләр.
Белә баша дүшүлүр ки, инсаны интиһара тәһрик едән даһа бөjүк амил вар вә о амилин бөһраны инсанын сүгуту илә нәтиҹәләнир. Сөһбәт инсана һәмишә һәjат бәхш едән вә ону мүхтәлиф имтаһанлар гаршысында үмидләндирән Илаһи рәһмәтдән ҝедир.
Уҹа Аллаһ бүтүн хеjир вә бәрәкәтин мәнбәjи олан Илаһи мәрһәмәтдән мәһрум олмамаг үчүн Өз бәндәләрини Илаһи зикрдән гәфләтдә галмамаға дәвәт едир. Инсан һәjатда һәр нә гәдәр Илаһи дәjәрләрдән гәфләтдә олса, мүхтәлиф нөвлү бөһранлар да о гәдәр онун сорағына ҝәләр.
Демәли, бизим фәрди вә иҹтимаи һәjатымыз бүтөвлүкдә Аллаһын әмрләринә, гаjда вә ганунларына мүвафиг олмалыдыр. Истәр телеканалларда, истәр мәтбуатда вә истәрсә дә базар вә дүканларымызда, һәр jердә биз ону jашатмалы, ҝөстәрмәлиjик.
Белә олан тәгдирдә Гарабағ проблеминин һәллиндә 10 илләрлә мат-мәәттәл галмаjаҹағыг, тәһсил вә елм саһәсиндә ҝүнбәҝүн ҝери ҝетмәjәҹәjик, әзиз әсҝәр балаларымыз Вәтән уғрунда шәһадәтә һазыр олаҹаглар, һакимләримиз ағыр ҹинаjәтләрдә рүшвәтхор кими иттиһам едилмәjәҹәкләр, мәнәвиjjатымыз өнүндә ҝедәнләр лаjигли инсанлар олаҹаглар, әдаләтин кешиjиндә дуранлар Илаһи әдаләти өзләринә меjар биләҹәкләр, сиjасәтчиләримиз исә өзләрини халгын һидаjәтчиси кими ҝөрәҹәкләр.
Др.Мөвсүм Сәмәдов / АИП сәдри
Диггәт: Хәбәрдән истифадә етдикдә мәнбәjә истинад лазымдыр
