Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, февралын 16-нда Ливан Һәрби Гүввәләри, террорчуларын Паjтахт Беjрутда партладмағыны нәзәрдә тутмуш бомба гурғулары илә гурашдырылмыш машыны кәшф едәрәк зәрәрсизләшдирә билибләр.
Ливанын Суриjа илә сәрһәд мәнтәгәси олан Һәмул Бәгаиjjә бөлҝәсиндә ашкарланан автомобилдә “вәһһабиләрин” 250 кг партлаjыҹы маддә jерләшдирдикләри билдирилиб.
Партлаjыҹы маддәләрин террорчулар тәрәфиндән автомабилдә олдугҹа мүрәккәб шәкилдә гурашдырылмасына бахмаjараг, Ливан Силаһлы Гүввәләри 3 саат әрзиндә бомбаны зәрәрсизләшдирә билибләр.
Мәлумата ҝөрә, Ливан Силаһлы Гүввәләри Суриjа илә мүштәрәк сәрһәд зонасында ҝүмүш рәнҝли тоjота маркалы автомобилин ашағы сүрәтдә һәрәкәт етмәсиндән шүбһәләнәрәк, машына доғру һәрәкәт едибләр. Буну ҝөрән сүрүҹү машындан чыхараг мешәлиjә тәрәф гачараг ҝөздән итиб.
Ливан Силаһлы Гүввәләри машына jахынлашдыгда машынын дахилиндә ики ракет олмагла jанашы машынын партлаjыҹы маддәләр илә jүкләндиjини ҝөрүбләр.
Диггәт: Хәбәрдән истифадә етдикдә мәнбәjә истинад лазымдыр
