Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мәһәммәд Ҹавад Зәриф билдириб ки, Иран Суријада атәшкәс режиминин тезликлә тәтбиг едилмәсини истәјир вә бунун һәм бүтүн өлкә дахилиндә, һәм дә реҝионал чәрчивәдә реаллашмасына дәстәк верир: “Чүнки Иран Суријада ахан ганынын бир ан әвәл дајандырылмасыны истәјир”.
Онун сөзләринә ҝөрә, Суријанын вәзијјәтини фаҹиә олараг характеризә етмәк олар: “Суријада бүтүн инсанларын һуманитар јардыма еһтијаҹлары вар”.
М.Ҹ.Зәриф һәмчинин Бәшәр Әсәдсиз Сурија проблеминин һәллини бир нөв тәһлүкәли олараг ҝөрдүјүнү сөјләјиб: “Она ҝөрә дә бу ҹүр дүшүнҹәләрин башдан чыхарылмасы лазымдыр”.
Иран хариҹи сијасәт идарәсинин рәһбәри дејиб ки, “алтылыг” өлкәләри илә јекун разылашма әлдә олунмајаҹағы тәгдирдә, рәсми Теһран ураны 20%-дән јухары һәддә зәнҝинләшдирәҹәк: “Һазырда Иранын нүвә програмы илә бағлы јахшы фүрсәт јараныб. Бунун давам етдирилмәси үчүн гаршылыглы етимад мүһитинин мејдана ҝәлмәси зәруридир. Гәрб өлкәләри ингилабдан әввәл узун илләр Иранын нүвә јанаҹағыны тәмин етмәјә чалышыблар вә бу ҝүн гаршылыглы етимад мүһитинин јарадылмасынын заманы ҝәлиб. Иран өз еһтијаҹындан даһа чох уран зәнҝинләшдириб. Кечмишдә садиг шәкилдә һәрәкәт етмәдијимиз, нүвә фәалијјәтләримизин шәффаф олмадығы вә бу сәвијјәдә уранын зәнҝинләшдирилмәсинин дә игтисади бахымдан зәрури олмадығы дејилә биләр. Амма бунларын һамысы кечмишдә галды. Әҝәр кечмишдәкиләрә гајытсаг, һәр ики тәрәфин етдикләринә бахмаг лазымдыр. Иранын тибби вә елми саһәдә уранын зәнҝинләшдирилмәсинә еһтијаҹы вар. Һазырда тәрәфләр арасында етимад мәсәләсиндә мүәјјән мәрһәлә кечилиб. Бу сәбәбдән Иранын еһтијаҹ дујдуғу уранын зәнҝинләшдирилмәси фәалијјәтләри мөвзусунда да бир һәлл јолу тапылмасы лазымдыр”.
Диггәт: Хәбәрдән истифадә етдикдә мәнбәjә истинад лазымдыр
