Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Абҝүл Сүлеjмановун апеллjасиjа мәһкәмәси кечирилиб. Мәһкәмә проссеси һагда мәлумат верән Һаҹы Абҝүл Сүлеjановун вәкили Бәхтиjар Һаҹыjев билдириб: “Бакы Апеллjасиjа Мәһкәмәси Һаҹы Абҝүл Сүлеjмановун барәсиндә Гарадағ раjон Мәһкәмәсинин, онун гапалы һәбсханаjа кечирилмәсинә даир гәрардан верилән шикаjәти jенидән тәмин етмәjиб”.
Али Мәһкәмә Апеллjасиjа мәһкәмәсинин бундан өнҹәки гәрарыны ләғв етмиш вә шикаjәтә jенидән бахылмасына гәрар вериб. Лакин Гарадағ раjон мәһкәмәсинин, руһанинин 6 аj мүддәтинә Гобустан гапалы ҹәзачәкмә мүәссисәсинә көчүрүлмәсинә даир вердиjи гәрарын мүддәти битдиjиндән, Һаҹы Абҝүл Сүлеjманов jенидән 13 саjлы Ҹәза Чәкмә Мүәссисәсинә көчүрүләҹәк.
Һаҹы Абҝүл Сүлеjманов 2013-ҹү илин 8 феврал тарихиндән Күрдәханы Истинтаг Тәҹридханасындан 13 саjлы ҸЧМ-ә көчүрүлмәсиндән сонра мүхтәлиф бәһанәләрлә ардыҹыл олараг ҹәримә камерасына салынмыш, даһа сонра Гарадағ мәһкәмәси руһанинин 6 аj мүддәтинә Гобустан гапалы ҹәзачәкмә мүәссисәсинә көчүрүлмәсинә гәрар вермишди. Гарадағ раjон мәһкәмәсиндән верилмиш апеллjасиjа шикаjәти мүддәтиндә руһани Күрдәханы Истинтаг тәҹридханасына апарылмышды.
Хатырладаг ки, мүбариз руһани Һаҹы Абҝүл Сүлеjманов 2011-ҹи илин август аjында МТН тәрәфиндән һәбс олунуб. О, сахта иттиһамларла 11 ил мүддәтинә азадлыгдан мәһрум едилиб.
Диггәт: Хәбәрдән истифадә етдикдә мәнбәjә истинад лазымдыр
