АИП-ин Баш Мәҹлисиндә М.Сәмәдовун Дағлыг Гарабағ, коррупсиjа, милли-мәнәви дәjәрләрин ашыланмасы барәдә дедикләри Азәрбаjҹан мәтбуаты вә иҹтимаиjjәтиндә даим ҝениш мүзакирә олунур. М.Сәмәдов сиjаси Лидер кими ҹәмиjjәтин, хүсусилә дә диндарларын өнүндә ҝетдиjи үчүн өлкәдә баш верән иҹтимаи-сиjаси просесләрдәки нагисликләри ҝөрүр вә ҝүндәмә ҝәтирир. Онун чыхышлары һәр заман фәргләнирди.
О, ҹәмиjjәтә сивил мүбаризә jолларыны ҝөстәрир вә бунунла да нәинки АИП-ин үзвләрини, һәмчинин бүтүн дүшүнән Азәрбаjҹан вәтәндашларынын үрәjиндән кечәнләрдән данышырды.
Һәр ишин сәбәб вә нәтиҹәси вардыр. Исламда да беләдир. Игтидар М.Сәмәдовун чыхышында ҝөстәриләнләри арадан галдырмагданса, онун һәбсинә фәрман верди. Амма бунунла өлкәдә коррупсиjанын гаршысы алынмады, милли-мәнәви дәjәрләр, вәтәнпәрвәрлик тәблиғаты кеjфиjjәтини дәjишмәди.
Нөгсанлары jараданлар деjил, бу нөгсаны ҝөрәнләр һәбс олунду. М.Сәмәдов чыхышында һиҹаба гадағанын инсан азадлыгларынын мәһдудлашдырылмасындан вә буну төрәдә биләҹәjи фәсадлардан данышмышды. Һиҹаба гадаға гоjмагла халгын маарифләнмәсинин гаршысы алыныр. Бу гадаға һәлә дә давам едир. Һиҹаб мүсәлман үчүн намус мәсәләсидир, чох һәссас мәгамдыр. Һөкумәт исә ҹәмиjjәтдә әмин-аманлыг наминә мәсәләни чөзмәк әвәзинә, ону даһа да гызышдырды. Нәтиҹәдә диндарлар илә игтидар арасында ҝәрҝинлик jаранды.
М.Сәмәдов jухарыда да дедиjим кими ҹәмиjjәтдәки нөгсанлары ҝөрмәмәзлиjә вура билмәзди. Иҹтимаи-сиjаси, о ҹүмләдән дини хадим ҹәмиjjәтин өнүндә ҝетмәли, она гаранлыгдан ишыға чыхыш jолуну ҝөстәрмәлидир.
Һаҹы Мөһсүм бу ролу һәмишә ләjагәтлә jеринә jетириб. Мараглыдыр ки, М.Сәмәдов һәмин мөвзулары һәмишә галдырыб, амма она һеч вахт террорчу, дөвләтчилиjимизин дүшмәни дамғасы вурулмамышды. Онун һәбсинә сәбәб олан чыхышында jалныз әлавә бир мәсәлә варды-һиҹаба гадағаjа етираз.
Һәр бир дөвләтин ҝүҹү халгдыр. Халгын исә инанҹ jери Ислам динидирсә, о заман динимиз дөвләтимизин әсасыдыр.
Һакимиjjәт өз әсасларына мүхалиф олмаз, ону дағытмаз. Әҝәр дини атрибутлара мәһдудиjjәт гоjулурса, мәсәләнин сивил jол илә һәллинә чалышмаг вәзифәмиз олур.
Азәрбаjҹан Гәрбә интиграсиjа едир, бир чох глобал мәсәләләрдә беjнәлхалг гурумларла мәсләһәт вә мәшвәрәт апарыр. Һәтта президент сечкиләринин мүгәддаратыны белә Гәрб һәлл едир. Амма Исламын ән бөjүк дүшмәнинин Гәрб олдуғуну билирик. Гәрбин вә сионзимин әлиндә аләт олан тәһсил назирлиjинин һиҹаба гадаға гоjмасы Азәрбаjҹан дөвләтчилиjин хеjринә деjил.
Азәрбаjҹан дүнjәви бир дөвләт олмагла бәрабәр, һәм дә мүстәгил дөвләтдир. Чүнки Азәрбаjҹан Мүсәлман дөвләти олдуғу үчүн онун дини адәт-әнәнәләри дә өнәмлидир. Буну дөвләти идарә едән һакимиjjәт дә билмәли вә халгын һеjсиjjаты илә оjнамамалыдыр. Халгын намус вә геjрәт саjдығы атрибутлара еһтиjатла jанашмалыдыр. Һәтта хариҹдән олан белә ҹәһдләрә сипәр олмалыдыр. Әҝәр буну едә билмирсә, онда исламчылара өз намус вә геjрәтини горумаг үчүн jол ачсын.
Азәрбаjҹан исламчылары М.Сәмәдовун һәбсинә, jаланчы иттиһамлара етираз едир. Мөһсүм Сәмәдов өз дөвләтинә, милләтинә, баjрағына, дининә садиг галан шәхсиjjәтләрдән биридир. Бизим үчүн һаҹы Мөвсүм дини вә сиjаси рәһбәрдир. Бу, һеч заман дәjишмәjәҹәк.
Азәрбаjҹан Ислам Партиjасынын сәдринин биринҹи мүавини Һаҹы Ингилаб Әһәдли
Диггәт: Хәбәрдән истифадә етдикдә мәнбәjә истинад лазымдыр
