Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Канаданын гәрб әjаләти олан Алберта вилаjәтинин Едмонтон шәһәриндә Мүсәлман гадын полис забитләринә вәзифә башында Һиҹабла һазыр олмаға иҹазә верилди.
Едмонтон Шәһәр Полис Хидмәт Мәркәзи бу һагда бәjанат верәрәк билдириб: “Мәркәзимиз, Мүсәлман гадын әмәкдашларымызын ҝеjимләриндә Һиҹаб сечиминә һөрмәтлә jанашыр”.
Бәjанатда даһа сонра деjилир: “Едмонтон Шәһәр Полис Хидмәт Мәркәзи бир чох полис вә һәрби тәшкилатлардан ибарәтдир. Мәркәзимиз, һал һазырда Һиҹаб мәсәләсини нәзәрә алараг, ваһид полис ҝеjими илә әлагәдар ганунунда дәjишилик апарыб”.
Һәмчинин бәjанатда деjилиб: “Апарылан арашдырмалардан сонра мәлум олду ки, Һиҹаб ҝеjими полис гадынлары үчүн һеч бир әнҝәллик jаратмыр вә онларын иш габилиjjәтләринә зәрәр ҝәтирмир”.
Диггәт: Хәбәрдән истифадә етдикдә мәнбәjә истинад лазымдыр
