Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн Бакы Ағыр Ҹинаjәтләр Мәһкәмәсиндә әдаләтсиз һаким Зеjнал Ағаjевин сәдрлиjи илә “Азадхебер.нет” саjтынын баш редактору Исламчы журналист Ниҹат Әлиjев вә диҝәр ШӘРЛӘНӘН Исламчылар Нәсиров Елвин, Ҹамалов Горхмаз, Һүсеjнов Елимхан, Һүсеjнов Самир, Тофигли Емин, Мәммәдов Сәфәр, Әлиjев Әлинин нөвбәти мәһкәмә иҹласы кечирилиб. Мәһкәмә просеси 11:30-да башлаjыб.
Исламчы журналист Ниҹат Әлиjевин вәкили Анар Гасымлы мүдафиә чыхышы едиб: "Әслиндә бу ҝүн вәкил олааг мүдафиә чыхышыны етмәклә өзүмү тәһгир олунмуш һесаб едирәм. Ниҹат Әлиjев сахланылан анда вәкил лазым иди. Ниҹат лиjевә 9 аj сонра jени иттиһамарын верилмәси тарихинә бахдыгда бир нөгтәни диггәтинизә чатдыраҹам. Журналист Ниҹат Әлиjевин Штрассерин сиjаһысында ады геjд едилирди. Истинтаг апармадан һәбс мүддәтинин узадылмасы да бу сәбәбдән иди. Һакимиjjәт "Күрү" дипломатиjасы алтында Штрассерин һесабатыны кәнарлашдырдыгдан сонра бу он инанҹлыjа аjры-аjрылыгда ссенари һазырланараг һәбс етдирдиләр. Бунунла да Азәрбаjҹан һакимиjjәти "Күрү" дипломатиjасындакы гәләбәни геjд етди. 2011-ҹи илдән етибарән һәбс олунан диндарларын просесләриндә иштирак етмишәм. Мәнә бәлли олду ки, бу инанҹлы шәхсләр һәбс олунараг Аллаһ дәрҝаһында имтаһана чәкилирләр. Вә һәмчинин һаким олараг сизин дә әдаләт һиссиниз имтаһан олунур. Инсанлар бир-бирини танымадан мүтәшәккил дәстә олараг һәбс олунублар. Чохлары мәһкәмә просесләриндә бир-бирини таныjыблар. Бундан башга, илаһиjjатчы Абҝүл Сүлеjманов өзү чыхышына ҝөрә дини, ирги, милли нифрәт вә дүшмәнчилиjин салынмасы маддәсинә ҝөрә, ҹәза алмаjыб. Анҹаг онун хүтбәләрини паjлашан инсанлар бу маддә илә ҹәзаланырлар. Бу билирсиз нәjә бәнзәjир? Мүғәнни диск бурахыр. Мән һәмин диски алыб евдә гулаг асырам вә һәбс олунурам. Информасиjа jаjмаг вә әлдә етмәк ифадә азадлығынын әсас атрибутудур. Сонда мүдафиә етдиjим Ниҹат Әлиjев үчүн бәраәт истәjирәм."
Даһа сонра ШӘРЛӘНИЛӘН Исламчы Елвин Нәсировун вә Ҹеjһун Әлиjевин вәкили Елчин Әлиjев мүдафиә чыхышы едәрәк билдириб: "Елвин диск паjлаjаркән сахланылмаjыб, евиндә оларкән сахланылыб. Мараглысы будур ки, евә биринҹи дәфә деjил, икинҹи дәфә бахыш заманы наркотик ашкарлаjыб. Наркотик иттиһамы jалан, шәр вә бөһтандыр. Полис әмәкдашлары өзләри наркотики гоjуб. Һал шаһидләри дә штатдан кәнар полисә ишләjир. Наркотикл бағлы бүтүн истинтага бахсаныз, бу һал шаһидләринин биринҹи дәфә деjил, он белә һадисәләрдә иштиракчы олуб. Дисклә бағлы експерт рәjи сүбутлар арасындан чыхарылмалыдыр. Експертин рәjи фактлара сөjкәнмәлидир, анҹаг ортада сүбут jохдур. Бу инсанлар өз инанҹларына ҝөрә етираз едиб. Бу да онларын виҹдан азадлығы, сөз вә ифадә азадлығы һагларыдыр вә коститусион һүгугудур. Һеч гаты ҹинаjәткарлара 10 ил ҹәза истәнилмир. Мән һакимдән әдаләтли гәрар, jәни бәраәт һөкмү ҝөзләjирәм."
Вәкил Азәр Әзизов мүдафиә етдиjи Исламчы Самир Һүсеjнов үчүн бәраәт истәди: "Мән мүстынтиглә ҝөрүшәндә иттиһам актындакы зиддиjjәтләри она дедим. Мүстәнтиг дә белә ҹаваб верди ки, онсуз да иттиһам актынын үз габығына ҝөрә һөкм чыхарылаҹаг, ичиндәкинә ҝөрә jох. Иттиһам актында, истинтагда Самир Һүсеjновун диск jаjмасы, паjламасы барәдә бир факт jохдур. Бахын, бу ҹаванлар нә едибләр? Исламын ваҹиб буjурдуғу "әмр-бе-мәрф" вә "нәһj әз-мүнкәр", jәни jахшылыглара дәвәт, писликләрдән чәкиндирмәк үчүн сәj едибләр. Гуранда Аллаһ өзү Лут пеjғәмбәрин гөвмүнә бәла ҝөндәрир. "Ҝеjпарад" да бу инанҹлы инсанларын, сизин, мәним инанҹымыза зиддир. Дискдә дә бундан сөһбәт ачылыр. Һиҹаб бу инсанларын инамыдыр, инанҹынын парчасыдыр. Нәинки онларын бизим, сизин, мүсәлман Азәрбаjҹан халгынын инанҹыдыр. Бу инсанлар да һаггыны тәләб едирләр. Сигарәт чәкмәjән инсана наркотик иттиһам етмәк нә дәрәҹәдә дүздүр?"
Елимхан Һүсеjнов вә Валеһ Абдуллаjевин дә вәкилләри әдаләтли олмаға чағырды вә тәгсирләндирилән шәхсләрә бәраәт истәди. Һаким Зеjнал Ағаjев нөвбәти просеси ноjабр аjынын 28-и саат 10:30-а тәjин етди.
Диггәт: Хәбәрдән истифадә етдикдә мәнбәjә истинад лазымдыр
