Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Кәрбәладан верилән мәлумата ҝөрә, Нәҹәфи Әшрәф вә Ирагын саир раjонларындан Кәрбәләjа пиjада ҝәлән милjонларла зәвварларын арасында, әлиндә Франса баjрағыны тутмуш гадын, һаммынын нәзәрини өзүнә ҹәлб едибмиш.
Мүхбиримизин дедиjинә әсасән, гадына jахынлашдыглары заман онун Франсалы хачпәрәст олдуғу мәлум олдугда, гадындан Кәрбәлаjа нә үчүн пиjада ҝетдиjини сорушдуглары заман белә ҹаваб вериб: “Ираг ишғал олунан заман, мән Мүттәфигләрин jаратдыглары ордуjа көнүллү сүрәтдә гошулдум. Бир ҝүн Имам Һүсеjнин (әлеjһис сәлам) Әрбәин (гырхында) мәрасиминдә Кәрбәлаjа пиjада ҝедән зәвварларын бириндән сорушдум: Бәсрәдән Кәрбәлаjа пиjада ҝетмәкдән jорулмурсан? Ҹаваб верди: Һаҹәтим вар. Ҝедирәм Имам Һүсеjнин ҝүнбәди алтына дурам вә ондан өз һаҹәтими истиjәм. Јәгин едирәм ки, Аллаһ Тәала Имам Һүсеjнин бәрәкәтли вүҹудуна хатир мәним һаҹәтләрими рәва едәҹәк...”.
Гадын даһа сонра билдирдиб: “Мән Ирагда олдуғум заман синәмдә ағрылар әмәлә ҝәлди, Һәрби Госпиталда мәнә дөш гәфәсәмдә хәрчәнҝ хәстәлиjинин олдуғу мүәjjән едилди. Вә тезликлә мәни Франсаjа ҝери ҝөндәрәрәк орада синәмин бир һиссәсини кәсиб атмағы билдирдиләр... Мән һәмин ҝүн зәвварла сөһбәтдән сонра елә орадаҹа нәзр етдим: Һүсеjн (әлеjһис сәалм) шифамы вер пиjада зиjарәтивә ҝәләҹәjәм! Франсаjа гаjытдығым заман, һәкимләр jенидән мәни мүаjинә етдиләр. Анализләримин ҹавабы ҝәлдикдә исә һамы мат вә мәтәл галды! Артыг мәндә хәстәликдән әсәр вә әламәт галмамышдыр. Инди дә мән өз нәзримә вәфа едиб, Һүсеjнин (әлеjһис сәлам) зәвварлары илә бирликдә Нәҹәфдән Кәрбәлаjа пиjада зиjарәтә ҝедирәм”.
Диггәт: Хәбәрдән истифадә етдикдә мәнбәjә истинад лазымдыр
