Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Русиjа илә Азәрбаjҹан һакимиjjәти арасындакы мүнасибәтләрдә һазырда мараглы просесләр мүшаһидә олунур. Белә ки, Ҝөмрүк Иттифагы илә бағлы Азәрбаjҹаны ҹидди һәдәләрә мәруз гоjан Русиjа, ҝетдикҹә Азәрбаjҹана гаршы тәһдидләрини даһа да сәртләшдирмәкдәдир. Ермәнистанда jерләшән Русиjа гошунларынын команданынын Гарабағла сон ачыгламасы да буну демәjә әсас верир ки. Русиjалы һәрбичи Азәрбаjҹанын Гарабағда мүһарибә башлаjаҹағы тәгдирдә рәһбәрлик етдиjи гүввәләрин һәрби әмәлиjjатлара мүдахилә едәҹәjини билдириб. Амма бу һадисәләрин фонунда сахта сечкиjә демократик дон ҝеjиндирилмәсиндә һакимиjjәтин ән jахын дәстәкчиси дә Русиjа һакимиjjәтидир. Сечкидән сонра Илһам Әлиjеви илк тәбрик едәнләрдән бири мәһз Русиjа президенти Владимр Путин олду. Бәс бу тәзад нә илә бағлыдыр. Илһам Әлиjев һакимиjjәтинә сахта сечкидә дәстәк верән Русиjа нәjә ҝөрә о бири тәрәфдән дә Азәрбаjҹана ҹидди тәзjигләр тәшкил едир?
АХҸП сәдринин мүавини Фуад Гәһрәманлы билдирди ки, Русиjа Азәрбаjҹана мүнасибәтдә «көкә вә дәjәнәк» сиjасәтини һәjата кечирир. Бир тәрәфдән Илһам Әлиjевә нүмаjиш етдирмәк истәjирләр ки, әҝәр Кремлин тәләбләрини нәзәрә алаҹагса, онун апардығы сиjасәт, авторитаризм дәстәкләнәҹәк. Диҝәр тәрәфдән исә, тәһдид елементләринин фонунда ачыг шәкилдә бәjан олунур ки, Русиjанын тәләбләринин нәзәрә алынмамасы ҹидди нәтиҹәләрә сәбәб ола биләр: «Русиjанын тәзjигләри һазырда она ҝөрә габарыг һисс олунур ки, гаршыдан Вилнүс саммити ҝәлир вә Азәрбаjҹанын Авропа Бирлиjи илә ассосасиjа сазиши имзаламасы ҝөзләнилир. Бу әрәфәдә Русиjа өз мөвҹудлуғуну Азәрбаjҹана ҹидди шәкилдә хатырлатмаға чалышыр. Русиjа бу jолла Азәрбаjҹанын Авропа Бирлиjи илә әмәкдашлығынын гаршысыны алмаға чалышыр. Бу бахымдан һакимиjjәт үчүн бир сечим аныдыр. Әҝәр Азәрбаjҹан Гәрби сечмәjәҹәксә, о замандан Гәрбдән Азәрбаjҹана санксиjалар мәсәләси ҝүндәмә ҝәләҹәк. Азәрбаjҹан Гәрблә интеграсиjаjа үстүнлүк верәҹәксә, Гәрбин Азәрбаjҹанда ҝедән демократикләшмә просесиндә фәал иштиракы мүмкүн олаҹаг. Бүтүн һалларда өлкәнин демократикләшмәси мәсәләси һәм дә ҝеосиjаси мәсәләjә чеврилир. Русиjанын да бу мәсәләләрдә оjнаjаҹағы рол Азәрбаjҹаны Гәрбә интеграсиjа просесиндән jаjындырмагдыр».
Русиjанын өз әтрафында анти-демократик режимләрдән бир буфер зона jаратмаға чалышдығыны деjән Ф.Гәһрәманлы вурғулады ки, Русиjа бунунла неоимпериалист марагларыны jеритмәjә чалышыр, амма бу сиjасәтин перспективи jохдур: «Мүасир дүнjа ҝөстәрир ки, дәjәрләр үзәриндә гурулмаjан, инсанларын һәjатыны jүнҝүләшдирмәjән сиjасәт зор ҝүҹүjлә реаллашдырыла билмәз. Бу сиjасәт Русиjанын өзү үчүн дә ҹидди проблемләрә jол ача биләр».
Диггәт: Хәбәрдән истифадә етдикдә мәнбәjә истинад лазымдыр
