Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, өтән ҝүн Бәһреjнин әл-Дираз шәһәринин Имам Садиг (әлеjһис сәлам) адына Мәсҹидиндә Ҹүмә Намазынын хүтбәләриндә чыхыш едән Аjәтуллаһ Шеjх Иса Гасим ҹәнаблары дүнjа өлкәләриндән Дини вә Әхлаги дәjәрләри, днjәви дәjәрләрдән үстүн тутмаға чағырараг, онлардан Бәһреjнә геjригануни jолларла һаким кәсилмиш Хәлифә падшаһлыг сүлаләсинә зәһәрли газларын, мүхтәлиф нөв өлдүрүҹү силаһларын сатышына сон гоjмагларыны истәjиб.
Аjәтуллаһ Шеjх Иса Гасим билдириб: “Бәһреjн халгы буна инаныр ки, әҝәр дүнjа өлкәләри Динә, мәзһәбә бағлыдырларса бу тәгдирдә инсани дәjәрләрә, һабелә виҹдана да бағлы олмалы вә бу өлкәнин сәмасыны долдурмуш зәһәрли газлары сүлалә режиминә сатмамалы, һәмчинин бу jолла әлдә ҝәтирдикләри мадди мәнфәәти мәнәвиjjатларына үстүн тутмамалыдырлар. Билин ки, сизин сатдығыныз бу газ вә силаһлар ҝүнүн һәр бир истәнилән саатында Бәһреjн халгынын jашаjыш евләринә, иҹтимаи мәканларына атылыр, бунун нәтиҹәсиндә исә Бәһреjн милләти бөjүк фәлакәтләр илә үзләшмәли олур...”.
Хатырладаг ки, рәсми медиаларын билдирдиjинә ҝөрә, бу ҝүнә кими Бәһреjндә вәһаби Али Хәлифә режими тәрәфиндән динҹ аксиjачылара гаршы тәтбиг едилән зәһәрли газлар нәтиҹәсиндә 50-дән артыг вәтәндаш Шәһид олуб.
Диггәт: Хәбәрдән истифадә етдикдә мәнбәjә истинад лазымдыр
