Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Милли Елмләр Академиjасы (АМЕА) Н.Туси адына Шамахы Астрофизика Рәсәдханасынын елми ишләр үзрә директор мүавини Хыдыр Микаjылов АПА-jа ачыгламасында билдириб ки, октjабрын 18-дән 19-а кечән ҝеҹә саат 02:51-дән мүшаһидә олунмаға башланаҹаг Аj тутулмасы саат 06:48-дә сона чатаҹаг.
Онун сөзләринә ҝөрә, бу jарымкөлҝәвари Аj тутулмасы олаҹаг вә Јер күрәсинин шимал jарымкүрәсиндә баш верәҹәк: “Бу тутулма jарымкөлҝәвари олдуғуна ҝөрә ону ҝөзлә мүшаһидә етмәк мүмкүн олмаjаҹаг. Бу просеси анҹаг чох һәссас ҹиһазлар мүшаһидә едә биләр. Бакыда да инсанлар Аj тутулмасыны мүшаһидә едә билмәjәҹәкләр”.
Х.Микаjылов геjд едиб ки, ноjабрын 3-дә исә Ҝүнәш тутулмасы баш верәҹәк: “Ааат 14:06-да башлаjаҹаг Ҝүнәш тутулмасы саат 19:28-дә сона чатаҹаг. Ҝүнәш тутулмасы әсасән Атлантик океанында, Африка әразисиндә, там тутулма Мәркәзи Африкада мүшаһидә едиләҹәк. Бакыда исә Ҝүнәш тутулмасы ҝүнәш батана jахын бир мүддәт әрзиндә мүшаһидә етмәк мүмкүн олаҹаг. Белә ки, Бакыда Ҝүнәшин гисмән тутулмасыны ноjабрын 3-дә саат 17:24-дә мүшаһидә етмәк мүмкүн олаҹаг. Бу заман Аjын диски Ҝүнәшин дискинә тохунаҹаг. Һәмин вахт Ҝүнәшин ашағы һиссәсиндән кичик бир һиссә гаралмаға башлаjаҹаг. Ҝүнәш батана jахын тәхминән 7 дәгигә әрзиндә Ҝүнәш тутулмасыны ҝөзлә мүшаһидә етмәк мүмкүн олаҹаг. Бакыда Ҝүнәш тәхминән 17:31-дә батдығы үчүн бу просес дә 17:24-дән 17:31-дәк мүшаһидә едиләҹәк".
Диггәт: Хәбәрдән истифадә етдикдә мәнбәjә истинад лазымдыр
