Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Сәудиjә Әрәбистанында нөвбәти түкүрпәдиҹи һадисә баш вериб. Бу дәфә дә һадисә мәһз Сәуд режиминин кланы тәрәфиндән төрәдилиб...
Белә ки, Сәуди Әрәбистанын танынмыш тәблиғатчысы, Әрәбистан телевизиjа верлишләринә мүтамади олараг дәвәт олунан Фәjһан әл-Ғамид 5 jашлы доғма гызы олан Ләмаjа мүхтәлиф физики ишкәнҹәләр верәрәк она тәҹавүз етмәклә һәjатына сон гоjуб.
Бу ҹинаjәт һадисәсиндән сонра, мәгтулун анасы мәһкәмәjә шикаjәт едәрәк әри Фәjһанын мүһакимә олунмасыны тәләб едиб. Мүһакимә заманы һаким сон олараг, Фәjһан әл-Ғамиди 5 jашлы гызушағына етдиjи тәҹавүзә, вердиjи ишҝәнҹәләрә вә гәтлә jетирмәсинә ҝөрә, 270 мин доллар һәҹминдә диjә (ҹәримә) өдәмәjә, 800 шаллаг зәрбәси алмаға вә 8 ил азадлыгдан мәһрум олмаға мәһкум едиб.
Мәгтулун анасынын вәкили бу һагда ачыглама веррәк билдириб: “Һаким, әл-Ғамидинин икинҹи һәjат jолдашыны да, ҹинаjәт актынын төрәдилмәсиндә көмәкчи кими тәгсирли биләрәк, 10 аj азадлыгдан мәһрум едәрәк, 150 шаллг ҹәзасына мәһкум едиб”.
Геjд едәк ки, мәгтул Ләма 25 Декабр, 2011-ҹи илдә, бәдәниндә мүхтәлиф jаралар мөвҹуд олмагла хәстәханаjа ҝәтиздирлиб. Бир нечә аj кечдикдән сонра исә ушаг хәстәханада кечинәрәк дүнjасыны дәjишиб. Хәстәхананын Иҹтимаи Ишләр үзрә шөбәсинин ишчиси Рәнда әл-Кулеjб тәкидлә билдириб ки, көрпә ушаг мүхтәлиф ҹинси тәҹавүзләрә мәруз галыбмыш.
Диггәт: Хәбәрдән истифадә етдикдә мәнбәjә истинад лазымдыр
