Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Ислам Партиjасынын “ Әдаләтли сечки уғрунда” тәшәббүс групунун Мөвсүм Мәрдан оғлу Сәмәдовун президентлиjә намизәдлик сәнәдләринин Мәркәзи Сечки Комиссиjасына тәгдим етдиjи ҝүндән артыг беш ҝүн кечир. МСК-дан ҹавабын верилмәмәси сәбәбини АИП сәдринин сиjаси мәсәләләр үзрә сәдр мүавини Акиф Һеjдәрли белә изаһ едиб:
“АИП-ин президентлиjә намизәд ирәли сүрдүjү Мөвсүм Мәрдан оғлу Сәмәдовун пассив сечки һүгугунун танынмасы вә намизәдлиjинин МСК тәрәфиндән тәсдиг едилмәси М. Сәмәдовун һәбсдән азад олунмасындан асылыдыр. Бу исә өлкә президенти Илһам Әлиjевин мүстәсна сәлаһиjjәтиндән асылыдыр. Бу ҝүн исламчыларын бөjүк ҝөзләнтиләри вардыр ки, әдаләтли jанашма оларса Һаҹы Мөвсүм Сәмәдов азадлыға говушаҹаг. Белә jанашма еjни заманда Азәрбаjҹанын инсан һагларынын позулмасында имиҹинә дәjән зәрәрин, Ислам аләминдә өлкәмизин нүфузуна дүшән хәләлин jүнҝүлләшмәсинә тәсирсиз өтүшмәз.
Ҝүман едирик ки, бу ҝүн һакимиjjәт Һаҹы Мөвсүм Сәмәдовун һәбсдән азад едилмәсиндә тәрәддүд едир. Амма мәнҹә Һаҹы Мөвсүм Сәмәдовун үзәриндән гондарма иттиһамларын ләғв едиләрәк һүгугларынын тәмин олунмасы вә онун сечкиләрә азад шәкилдә гошулмасы АИП-ин президентлиjә намизәдлиjинин ҝери ҝөтүрүлмәси етималыны да доғура биләр.
Бүтүн бу етималлары вә ҝөзләнтиләри нәзәрә алыб АИП-ин МСК-jа тәгдим етдиjи сәнәдләрә ҹавабын ҝеҹикмәсиндән ҹидди нараһатчылыг кечирмирик.”
Диггәт: Хәбәрдән истифадә етдикдә мәнбәjә истинад лазымдыр
