Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, намәлум анти-Ислам ҹәрәјанлары тәрәфиндән Франсанын ҹәнуб гәрбиндә, Атлантик океан саһилләриндә јерләшән Жиронд шәһәринин Леспарре Миодок мәнтәгәсиндәки Мәсҹидин диварларында свастика (ҝамалы хач вә сынмыш сәлиб) шәкилләри чәкилиб.
Бунунла кифајәтләнмәјән иргчи гүввәләр, Мәсҹид јахынлығындакы автомобил дајанаҹағында парк едилмиш машына һүҹум чәкәрәк онун да үзәриндә сынмыш хаҹ шәкилләри чәкибләр.
Гејд едәк ки, баш верән һадисәдән үч ҝүн өнҹә, Франса Мүсәлманлары, Ислам ајинләрини һәјата кечирәркән, анти-Ислам гүввәләр тәрәфиндән һүҹума мәруз галмышдыр.
Хатырладаг ки, Франсада анти-Ислам сијасәтләрин рәсми сүрәтдә јүрүдүлмәсинә, телевизија,радио, медиа вә мәтбуат сәвијјәсиндә ант тәблиғләрин башланмасына 10 ил өнҹә, 2004-ҹү илдә старт верилиб.
Диггәт: Хәбәрдән истифадә етдикдә мәнбәјә истинад лазымдыр
