Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн, 9 Август, 2013 тарихдә, Тајлан ДИН-ји мәлумат јајараг билдириб: “Өлкә ҹәзачәкмә мүәссисәләринин бириндә сахланылан мјанмалы Мүсәлман гачгынлардан 30 нәфәри, бу ҝүн сәһәр радәләриндә һәбсханадан гачыблар.”
Мәлумата ҝөрә, Мјанма буддистләри тәрәфиндән өз ана јүрдларындан говулараг Тајланда үз ҝәтирән Руһинҝа Мүсәлман гачгынлары, Тајланд полиси тәрәфиндән һәбс едиләрәк 10 ҝүн дар бир мәканда сахланылараг, даһа сонра һәбсхналардан биринә ҝөндәрилмишдир. Лакин һеч бир ҝүнаһы олмадан һәбс едиләрәк зиндана салынан руһинҝалы Мүсәлманлар, мәлум сәбәләр үзүндән Тајланд һәбсханасында да мүхтәлиф руһи вә ҹисми әзијјәтләрлә үзләшмәли олублар...
Гејд едәк ки, бу ҝүнә кими Мјанма Мүсәлманларына гарш олунан ҹинајәт гурбанлары һаггда әлдә дәгиг статистика мөвҹуд дејил. Лакин гејри рәсми мәлуматлара ҝөрә, сон һадисәләрдә 250-дән артыг Мүсәлман буддистләр тәрәфиндән Шәһид едилиб, 300 мин нәфәр өз јурд-јуваларындан дидәрҝин салынараг гачгын һәјаты сүрмәјә вадар олунуб вә 40 мин Мүсәлман фәалы исә, рәсми дөвләт грумлары тәрәфиндән мүхтәлиф бәһанәләр илә, һәбс едиләрәк зинданлара салыныб...
Диггәт: Хәбәрдән истифадә етдикдә мәнбәјә истинад лазымдыр
