Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Һаҹы Тале Бағыровун нөвбәти апеллјасија мәһкәмәси кечирилиб. Бу һаггда АЗАДХЕБЕР.НЕТ интернет гәзетинә мәлумат верән вәкил Ҹавад Ҹавадов гәрарын гүввәдә сахлнылдығыны билдирди.
Ҹавад Ҹавадов һәмчинин билдирди ки, бу ҝүн кечирилән мәһкәмә просесиндә илаһијјатчы Тале Бағыров хүтбә охујуб.
Хүтбәсиндә билдириб: "Бу ҝүн ҹүмә ҝүнүдү. Мән фүрсәтдән истифадә едиб истәјирәм хүтбә сөјләјим. Мәсҹиддә имканым јохдур. Она ҝөрә дә, бурада бир нечә кәлмә илә хүтбәми сөјләмәк истәјирәм. Биз зинданда дејилик! Биз азадыг. Нәјә ҝөрә? Чүнки бизим руһумуз азадыгдадыр. Биз анҹаг Аллаһын әмрләрини јеринә јетиририк. Бизи дә сахта наркотик иттиһамы илә тутанлар шәрәфсиздирләр. (Һакимләрә ишарә едәрәк) Сиз өзүнүзү азадә сајмајын. Биздә мүстәгил мәһкәмә јохдур вә сизиндә мүстәгил олараг һәр һансы бир гәрар гәбул етмәјә сәлаһијјәтиниз чатмыр. Зејнәб Ханларованын фикрини хатырлатмаг истәјирәм. "Адам тутанда киши кими тутун." Биз чыхышларымызда кәскин тәнгид сөјләмишик. Әҝәр бизим чыхышларымызда ганунсуз нәсә варса чыхышларымызы билдирин вә биздә дәлилләримизи ҝәтирәк. Сиз диндарлара, руһаниләрә дини алимләрә наркотиклә иттиһам верирсиз. Бу һеч јерә јазыласы бир шеј дејил. Бизим сәбримиз бөјүкдүр. Аллаһа ҝүвәнирик. Аллаһ бизимләдир вә ҝеҹ-тез һәр шеј өз јерини тутаҹагдыр."
Диггәт: Хәбәрдән истифадә етдикдә мәнбәјә истинад лазымдыр
