Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Мөвсүм Сәмәдовун вәкили Анар Гасымлы ијулун 1-дә Мөвсүм Сәмәдовла ҝөрүшмәк үчүн 11 сајлы Ҹәзачәкмә Мүәссисәсинә ҝедиб: “Гапыда ҝөзәтчи дејил, мајор рүтбәли бир забити ҝөрдүм. Мөвсүм Сәмәдовун вәкили олдуғуму, ҝөрүшә ҝәлдијими билдирдим. Деди ки, тәлим-тәрбијә үзрә рәис мүавинијәм, Мөвсүм Сәмәдовун ҹәримә тәҹридханасына салынмасы мәним тәшәббүсүмлә олуб, кечин ҝөрүшүн, сонра ҝәлин јаныма, сөһбәт едәк.
Ичәри кечдик, сәнәдими тәгдим етдим. Бир саатдан артыг ҝөзләјәндән сонра бир нәфәр чыхды, вәсигәми өзүмә гајтарыб деди ки, рәис јас јеринә ҝедиб, гол чәкмәјә һеч ким јохдур. “Вәкилин ҝөрүшү үчүн рәис мүавини дә иҹазә верә биләр” дејә етираз етдим. “Һәр шеј рәисдән асылыдырса, зәһмәт чәкиб иш вахты јериндә олсун, јас јеринә ишдән сонра ҝетсин” дедим. Сабаһ ҝөрүш верәҹәкләрини билдирдиләр”.
Анар Гасымлы билдириб ки, ҝөрүшә манеәнин јарадылмасы бир чох еһтималлар ирәли сүрмәјә әсас верир: “Адәтән мәһкумлар ишҝәнҹәјә мәруз галанда вәкиллә ҝөрүшә әнҝәл јарадылыр ки, ишҝәнҹә изләрини ҝөрмәсин. Бу ҹүр сүни әнҝәл јарадылмасы Мөвсүм Сәмәдова ишҝәнҹә верилмәси еһтималыны ирәли сүрмәјә әсас верир. Диҝәр тәрәфдән, онун дәфәләрлә ҹәримә тәҹридханасына салынмасы һәбсхана режиминә кечирилмәсинә һазырлыг ола биләр. Јәни сонра әсасландыраҹаглар ки, ҝуја тез-тез низам-интизамы поздуғуна ҝөрә ону гапалы һәбсханаја ҝөндәрирләр”.
Диггәт: Хәбәрдән истифадә етдикдә мәнбәјә истинад лазымдыр
