Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Русија президенти Владимир Путин дини инанҹлары олан инсанлара едилән тәһгирләрин гаршысыны алмаг мәгсәдилә Русија Ҹинајәт Мәҹәлләсинә едилән әлавәләри имзалајыб. Јени тәнзимләмә иманлыларын дини һиссләрини зәдәләјә биләҹәк тәһгирләрдән истифадә едәнләрин ҹинајәт мәсулијјәтинә ҹәлб олунмасына имкан верир.
Президентин интернет сајтында јер алан ачыгламада јени тәнзимләмәнин деталлары да ачыгланыб. Белә ки, Ҹинајәт Мәҹәлләсинә әлавә олунмуш јени гануна ҝөрә, дини инанҹлара тәһгир мәгсәдилә ҹәмијјәтә гаршы һөрмәтсизлик едән иҹтимаи тәдбирләрдә иштирак едәнләрә 300 мин рубл (тәхминән 10 мин доллар) пул ҹәзасы, 240 саат вә ја 1 илә гәдәр мәҹбури иш, јахуд 1 ил мүддәтиндә һәбс ҹәзасы вериләҹәк.
Бу ҹинајәтин дини мәрасим вә ибадәтләрин едилдији хүсуси јерләрдә ишләнмәси һалында исә ҝүнаһкар шәхсә 500 мин рубл (тәхминән 16 мин доллар) пул ҹәзасы, 480 саат вә ја 3 илә гәдәр мәҹбури иш, јахуд 3 илә гәдәр һәбс ҹәзасы верилә биләр. Ганун 1 ијул тарихиндән етибарән гүввәјә минәҹәк.
Гејд едәк ки, Русијада дини инанҹлара тәһгир едәнләрин ҹинајәтә ҹәлб олунмасы илә бағлы мүзакирәләр, рус мусиги групу “Пуссј Риот”ун үч үзвүнүн Москвадакы килсәләрдән бириндә Путин вә килсә әлејһинә маһны охумалары илә башламышды.
Диггәт: Хәбәрдән истифадә етдикдә мәнбәјә истинад лазымдыр
