Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азад Гарабағ Уғрунда Алјанса дахил олан тәшкилатларын рәһбәрләри - Гарабағ Азадлыг тәшкилатынын сәдри Акиф Нағы, Гарабағ Газиләр Бирлијинин сәдри Етимад Әсәдов, Вәтән Мүһарибәси Әлилләри Ҹәмијјәтинин сәдри Фирудин Мәммәдов, Гарабағ Уғрунда Ислами Мүгавимәт Һәрәкатынын сәдри Рөвшән Әһмәдли вә диҝәрләри ијунун 25-дә “Гарабағ мүнагишәсинин сон дуруму вә бунунла бағлы мүсәлманларын миссијасы” адлы бејнәлхалг конфрансда иштирак етмәк үчүн Тәбризә јола дүшәҹәкләр.
ГАТ сәдри бу ҹүр конфрансларын кечирилмәсинә мүсбәт јанашдығыны билдириб: “Дағлыг Гарабағ мүнагишәсинин һәлли, ермәни ишғалынын нәтиҹәләринин арадан галдырылмасы үчүн Ислам дүнјасынын имканларындан, бирҝә сәјләриндән истифадә олунмалыдыр. Бурада ҹидди потенсиал вар. Биз мүсәлман дөвләтләринин Гарабағ мәсәләсиндә ваһид мөвгедән чыхыш етмәсини, әмәли аддымлар атмасыны истәјирик. Дүшүнүрәм ки, конкрет олараг илк дәфә јалныз Гарабағ мәсәләсинә һәср олунмуш белә бир конфрансын кечирилмәси мүсбәт һалдыр вә мәгсәдләримизә чатмаг үчүн ҹидди рол ојнаја биләр”.
Тәбриз Университетинин тәшкилатчылығы илә кечириләҹәк конфрансын 4 ҝүн давам едәҹәји нәзәрдә тутулур.
Диггәт: Хәбәрдән истифадә етдикдә мәнбәјә истинад лазымдыр
