Әһли Бејт (әлејһимус сәлам) -АБНА- Хәбәр Аҝентлији- Ајәтуллаһ Ҹавад Амули ајыглығын, аҝаһлығын мәрһәләләри барәдә бујурмушдур: “О инсан ки, ајыгдыр, демәли һансыса амил онун ајылмасында апарыҹы рол ојнамышдыр. Гафил инсанын ајылмасынын мүхтәлиф сәбәбләри вардыр. Ола билсин ки, бу амил ҹәһәннәм зәнҝи олсун, ја да беһишт шөвгү. Шәбанијјә дуасында охујуруг: “Сән мәни өзүнә мәһәббәт үчүн ајылтмысан, ҹәһәннәм горхусундан вә ја беһишт шөвгүндән дејил”.
Заһири ајыглыг да бу ҹүрдүр. Мәсәлән о кәс ки, сүбһ намазы заманы јатмышдыр, о шеј ки, ону јухудан ојадар, бу ајылмасынын амили сајылар. Бу амил ону ҹәһәннәм әзабындан горујар вә беһишт шөвгүнү артырар.
О инсан ки, ҝүнаһ ишләдир вә ја Аллаһдан гејрисинә диггәт едир, јатмыш сајылар. Инсанларын бир чоху јатыблар. Өлән заман ајыларлар. Һалбуки, ел арасында белә дејирләр ки, өлән јатан инсана бәнзәјир. Дин исә бунун әксини дејир.
О инсан ки, дүнјада олан заман дин маарифини дәрк етмир - јухудадыр демәкдир. Анҹаг о заман ки, өләр, бир чох мәсәләләр онун үчүн ајдын олар. Һәгигәтдә өлүм - ајыглығын башланғыҹыдыр. Әҝәр бәрзәхи јатмаг јери адландырырларса, бу о демәк дејилдир ки, орада һамы јатыр. Бәрзәх дүнјаја нисбәтән ајыглыг јеридир. Анҹаг Гијамәтә нисбәтдә о да јухудур. Өлүмдән сонракы мәсәләләрин бир чоху инсан үчүн ајдын олмаз. Анҹаг бөјүк Гијамәтдә ајдын олар. Она ҝөрә дә Гијамәт ҝүнү ајылан инсанлар дејәрләр: «Вај һалымыза! Бизи јатдығымыз јердән ким галдырды? (Бәли,) бу Рәһман (олан Аллаһын дүнјада) бизә вәд вердији һәмин (өлүмдән сонракы һәјат)дыр. Онун пејғәмбәрләри доғру дејирләрмиш». (“Јасин” 52).
О кәсләр ки, елә әввәлдән ајыглығы Аллаһа мәһәббәтдә ҝөрүрләр, шүбһәсиз ки, ахирәт агузәсини дә һәмин сәфәр гәдәр һазыр едәрләр”.
Диггәт: Хәбәрдән истифадә етдикдә мәнбәјә истинад лазымдыр
