Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән сионист режиминин сајтларындан бири олан вала.орҝ, Фәләстин Мухтар тәшкилаты, хүсуси иләдә бу тәшкилатын Баш Назирлијинин офиси илә исраил режими арасында илк тәһлүкәсизлик бөһраны артыг баш верди. Бөһрана сәбәб, Фәләстин Мухтар тәшкилатынын Баш Назири Һәмдуллаһын, исраил тәрәфиндән ишғал олунмуш Фәләстин торпагларына бахыш кечирән заман ону горумаг истәјән исраил ҹанҝүдәнләриндән имтина етмәси олуб.
Сионист сајты бу һаггда јазыр: “Фәләстин Мухтар тәшкилатынын кечмиш Баш Назири Салам Фәјјаз, исраил ҹанҝүдәнләри тәрәфиндән горунмасы илә разылашмышдыр вә онларын нәзарәти алтында “Ҹ” мәнтәгәсинә бахыш кечиртмишдир. Лакин Һәмдуллаһ бу әмрә табе олмады... Бу исә, о демәкдир ки, ону ҝөзләјән ән бөјүк хәтәр дә мәһз, гејд олунан мәнтәгәдә мәскунлашмыш јәһуди сакинләри олаҹагдыр!.. ”
Фәләстин Мухтар тәшкилаты Баш Назирлијинин офиси исә, бу һаггда билдириш јајымлајараг елан едиб: “Ҹәнаб Баш Назир, садә бир Фәләстин вәтәндашы кими, кәнарында һеч бир нәзарәтчи олмадан вә һеч бир ҹанҝүдән ону горумадан, Иорданија чајы әтрафындакы Фәләстин торпагларында сәјаһәт етмәсини истәјир.”
Диггәт: Хәбәрдән истифадә етдикдә мәнбәјә истинад лазымдыр
