Әһли Бејт (әлејһимус сәлам) -АБНА- Хәбәр Аҝентлији- 4 ијун, 2013-ҹү ил, әл-Гусејр шәһәринин әтраф мәнтәгәләриндә мүтләг сүкут һөкм сүрүрдү, лакин ҝөзләнилмәдән гејри адди һадисә баш верди... Һәр тәрәфдә партлајыш, силаһ, топ, түфәнҝ сәсләри ҝәлмәјә башлады... Бу һадисәнин ардыјҹа, силаһлы јараглылар шәһәрдән гачмаға башладылар. Дүшмәнин мејданы тәрк едиб гачмасы илә дә, мүһарибә елә орадаҹа јекуна јетди. Амма бу гәләбәнин өзүндән сонра гојдуғу тәсирләр исә, јаваш-јаваш мүхтәлиф саһәләрдә өзүнү бүрузә вермәјә башлады.Бу гәләбәнин мүсбәт нәтиҹәләриндән бири дә, ибрани (ҹүһүд) мүтәхәссис вә тәһлилчиләринин, сионист режиминә мәхсус медиаларында, “Суријада стратежи дәјишиликләр” һаггда данышмаглары олду.
Сионист исраил режиминин хүсуси хидмәт органларына бағлы олан “ДЕБКА” адлы сајт, ҹүмә ахшамы, 6 ијун 2013 тарихдә әләни олараг елан етди: “Сурија Азад Ордусунун Гусејр шәһәриндәки мәғлубијјәти, АБШ, исраил вә авропанын стратеҝијасына өлдүрүҹү зәрбә ендирди...”
“МОССАД”ла сых һәмкарлыг едән сајт, даһа сонра әлавә етди: “Сурија Милли Ордусуна аид гүввәләр тәрәфиндән Гусејр шәһәринә олан нәзарәтин там әлә кечмәси, тәкҹә силаһлы мүхалифәтин мәғлубијјәти кими гијмәтләндирилмәмәлидир. Бу һәгигәтдә Америка Бирләшмиш Штатлары, гәрб иттифагы вә исраил үчүн бөјүк бир стартежи мәғлубијјәти сајылыр.”
Сајт даһа сонра, Гусејр гәләбәсини Барак Обама вә хүсусән дә Ҹон Керијә ағыр бир зәрбә олдуғуну јазараг билдирир: “Сурија Милли Ордусунун Гусејр үзәриндә газандығы гәләбәси, АБШ, гәрб вә исраилин Сурија мәсәләсиндә “бир баша һәрби мүдахиләдән истифадә етмәјәҹәкләри” сијасәтинин ифласа уғратдығыны сүбута јетирди. Бунунла да гејд олунан “үчлүк” (админ: АБШ, гәрб вә ишғалчы сионист режими), Суријада кимјәви силаһларын истифадә едилмәси кими гондарма вә ҝүлүнҹ бәһанәләрдән истифадә едәрәк, Суријаја һәрби мүдахилә вариантындан истифадә етмәк мәҹбуријјәтиндәдирләр...”
ДЕБКА-нын дедијинә ҝөрә, әҝәр Сурија Милли Ордусу, Гусејрдә газандығы гәләбәни Суријанын ҹәнуб бөлҝәләриндә дә, әлдә едә билсә, бу заман АБШ, исраил вә гәрб өлкәләри, бирбаша Ливанын Ҹәнуб бөлҝәсинин (админ: Шиәләрин компакт јашадыглары реҝиона) јеринә, Суријанын Ҹовалан Јүксәликләриндә Һизбуллаһ Мүгавимәт Тәшкилаты илә, үз-үзә галмалы олаҹаглар.”
Ишғалчы сионист исраил режиминин сајты, арашдырмасынын давамында дејир: “...исраилин әл-Гусејр шәһәриндә бир нечә тәҹрүбәли һәрби бригадалары фәалијјәт ҝөстәрирди (вә һазырда да Суријанын мүхтәлиф бөлҝәләриндә силаһлы гүввәләр илә сых рабитә гурараг онлары һидајәт едирләр).
Бунлардан биринҹиси: исраил һава гүввәләринә бағлы "Сһалдаҝ" бригадасыдыр бу биригаданын әсас һәдәфи, дүшмәнин мөвгеијјәтини тәјин едиб, гырыҹы вә пилотсуз тәјјарәләри, гејд олунан дүшмән мөвгеләринә гаршы һүҹума истигамәтләндирирләр...
Икинҹиси: Бирбаша исраил силаһлы гүввәләринин али команданлығына табе олан, “анти-террор әмәлијјатлары”, “дүшмән әразисиндә ҝизли әмәлијјатлары” вә “ардыҹыл зәрбәләр ендирмәк” кими һәрби әмәлијјатлары өһдәсинә алан “Сајерет Маткал” командоларыдыр.”
Үчүнҹүсү: исраил һәрби дәниз донамасына бағлы хүсуси тәјинатлы “Сһајетет 13” бригадасыдыр. “Сһајетет 13”-үн әсас өһдәликләри, “анти-террор әмәлијјатлары” вә “хиласетмә әмәлијјатлары”ны иҹра етмәкдир. Бундан әлавә бригада ејни заманда“дүшмән әразисиндә ҝизли әмәлијјатлары” вә “ардыҹыл зәрбәләр ендирмәк” кими һәрби әмәлијјатлары да өһдәсинә ҝөтүрүб.”
Дебка сајты гејд едир: “исраилин стратеҝијасы, һәрби мүтәхәссисләрини баҹардыгҹа өн ҹәбһәдә бирбаша иштирак етмәкдән чәкиндирмәкдир. Буна ҝөрә дә, Суријадакы әмәлијјатлары, јерли мүхалифәтдән вә хариҹи дөвләтләрдән ҝәтиздирилмиш силаһлылар иҹра едир. исраил һәрбичиләри исә, мүхалифәти силаһ вә сүрсатла тәмин едәрәк дөјүш тактикаларыјла тәлиматландырырлар. Амма һәр шејдән даһа чох исраил һәрбичиләрини бир шеј дүшүндүрүр. “Гусејр”, Һизбулаһ Ислам Мүгавимәт Тәшкилатынын 30 иллик мүдафиә јөнлү һәрби тактикасындан сонра һәјата кечиртдики илк вә тамами илә һүҹум характерли дөјүш әмәлијјаты иди... Бу, өзү исраил үчүн бир проблем олараг галмагдадыр вә исраилин Ливанын Ҹәнуб бөлҝәси һаггда олан ниҝәранчылығыны даһа да артырыр... Артыг исраил дүшүнмәјә башлајыр: “Өзүнүн мүдафиә стратеҝијасындакы ҝүҹүнү дүшмәнә нүмајиш етдирән Һизбуллаһ, әҝәр Гусејр дөјүшүндә олдуғу кими, диҝәр һүҹумларында да, өз ҝүҹүнү тәкрар олараг нүмајиш етдирсә нәләр баш верә биләр?”
Ливан Ислам Мүгавимәт һәракатынын Суријада нүмајиш едилән стратежи фәалијјәтләри, бу Тәшкилатын талејиндә мүһүм рол ојнајыр. Сурија Мүгавимәтинин ҝеосијаси фәалијјәтләрини унтмамлы вә мејданы онларын үзүнә ачыг гојмамалыјыг. Һизбулла, исраилин фәалијјәтләриндән дәгиг мәлуматлы олдуғу үчүн, ҝөзәл дәрк едир ки, Гырмызы Дәниз васитәси илә Аралыг Дәнизинә дахил олуб, Сомалинин бәзи шһәрләрини тамами илә ишғал едиб, өз тәһлүкәсизликини горумаг үчүн, Иран ҝәмиләри әтрафында барикада гуран бир шәхс, һеч вахт мәнтәгәдә өз әлејһинә олан бир ҹәбһәнин јаранмасына имкан вермәјәҹәкдир. Бу сәбәбдән дә, Гусејр һадисәләри, имериалистләрә гаршы јаранмыш Мүгавимәт Һәракатыны силаһландырараг, ону горумаг, һәмчинин бөлҝәдә исраилин нүфузуну азалдмагда бөјүк тәсири ола биләр.”
Диггәт: Хәбәрдән истифадә етдикдә мәнбәјә истинад лазымдыр
