Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Әһли Сүннә гардашларымыздан нәгл олунан рәвајәтә ҝөрә, Һиҹри Гәмәри тарихи илә, 25 Рәҹәб (5 ијун 2013 тарихә тәсадүф едир) Ханым Зејнәбин (сәламуллаһи әлејһа) тәввәлүд ҝүнү кими гејд олунур. Бу мүнасибәт илә, Мисирин мүхтәлиф Ислам мәзһәбләриндән олан минләрлә Әһли-Бејт (әлејһимус сәлам) ашигләри, Пајтахт Гаһирәдә јерләшән Ханым Зејнәб (сәламуллаһи әлејһа) адына мејдан вә Мәсҹиддә топлашараг, мөһтәшәм бајрам мәрасими гејд едибләр.
5 ијун тарихиндә, Гаһирәнин “Сејјидәту Зејнәб” (сәламуллаһи әлејһа) адлы мејданына, һәмчинин Ханымын бурада јерләшдији “Мәгам”ына, Мисирин мүхтәлиф бөлҝәләриндән тәшриф ҝәтирмиш минләрлә зијарәтчи Бајрам Мәрасимин гејд етмәк мгсәди илә топлашыб.
Гејд олунан Бајрам, һәр олдуғу кими бу ил дә, әнәнәви олараг ҝеҹәнин икинҹи јарысындан башлајараг, Сүбһ намазына гәдәр давам едиб. Мәрасимдә, Гуран Кәрим тилавәтләри, Илаһи нәғмәләр вә дуалар охунуб.
Даһа сонра һәр бир мәзһәбин ардыҹыллары өз адәтләринә ујғун олараг, Бајрам Мәрасимини гејд едибләр. Гејд оунан ҝеҹә бүтүн мәзһәб ардыҹыллары үчүн хош бир ҝеҹә олараг јадда галыб.
Мәрасимдә һәр ил олдуғу кими, бу илдә Ханым Зејнәбин (сәламуллаһи әлејһа) Гаһирәдәки Һәрәми вә һәмчинин Зејнәбијјә мәнтәгәси хүсуси декорла бәзәдилмишдир.
Диггәт: Хәбәрдән истифадә етдикдә мәнбәјә истинад лазымдыр
