Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Бәһрејндә Али Хәлифә режими тәрәфиндән Шиә халгына олунан зүлүмләр давам етмәкдәдир.
Али Хәлифә режиминин Сәуди Әрәбистандан ҝәтиздирдији муздлу әскәрләр, Бәһрејнин “Кәрзкан” шәһәриндә јашајыш мәнзилләринә јүрүш чәкәрәк, мәнзил дахилинә ҝөзјашардыҹы газлар атмыш, нәтиҹәдә, Имран Һәмид адлы Бәһрејн вәтәндашы зәһәрләнәрәк шәһид олуб.
Алдығымыз мәлумата ҝөрә, мәрһумун дәфн мәрасими дүнән, бир груп Ингилабчы Бәһрејн халгынын иштиракы илә кечирилиб.
Аксија иштиракчылары, мүхтәлиф анти-падшаһлыг шүарлары сәсләндирәрәк, өлкәдә баш верән гәтлиамларын сәбәскарларынын ҹәзаландырылмаларыны, Али Хәлифәнин мүһакимә олунмасыны, Сәуди Әрәбистанындан ҝәтиздирилмиш муздлу әскәрләрин өлкәдән чыхарылмасыны, мүлкү вәтәндашларын сәбәбсиз јерә тутулараг ишҝәнҹә олунмаларына сон гојулмасын тәләб едибләр.
Гејд едәк ки, Бәһрејндә вәһаби Али Хәлифә падшаһлыг режиминә гаршы 2 ил давам едән сүлһмәрамлы етираз аксијаларында, мәрһум Имран Һәмидин шәһид олмасы илә, Бәһрејн Ингилабында шәһид оланларын сајы 107 нәфәрә чатыб.
Диггәт: Хәбәрдән истифадә етдикдә мәнбәјә истинад лазымдыр
