Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Һаҹы Абҝүл Сүлејмановун зиндандан “Азадлыг”а ҝөндәрдији мәктуб онун нөвбәти дәфә ҹәзаланмасы илә нәтиҹәләниб. А.Сүлејмановун руһани достларынын “Азадлыг”а вердији мәлумата ҝөрә, апрелин 13-дән ону “карса” салыблар.
О, бир мүддәт әввәл ајагларында вә белиндә јаранмыш ағрыларла әлагәдар мүалиҹә алмасы үчүн Пентенсиар Хидмәтин мүалиҹә мүәссисәсинә ҝөндәрилмишди. Мүалиҹә мүәссисәсиндән 13 сајлы ҹәза чәкмә мүәссисәсинә көчүрүлдүјү ҝүн А.Сүлејманов 15 ҝүнлүјә “карса” салыныб.
Икигат түрмә һәјаты
Бу, онун 13 сајлы мүәссисәјә көчүрүлдүјү вахтдан бәри 3-ҹү “карсдыр”. Алдығымыз мәлумата ҝөрә, А.Сүлејманов һәлә ҹәзәчәкмә мүәссисиндә олдуғу мүддәтдә үмуми мәһкумларын јанына бурахылмајыб. Һәр дәфә ону мүхтәлиф бәһанәләрлә дустаглардан тәҹрид етмәк үчүн “карса” салырлар.Јахынлары Һаҹы Абҝүлүн Гобустан гапалы типли ҹәзачәкмә мүәссисәсинә көчүрүлмә вә орда һәјатына суи-гәсд олунма тәһлүкәсиндән нараһатдырлар.
Јада салаг ки, А.Сүлејманов “Азадлыг”а ҝөндәрдији мәктубда өлкә вәтәндашларын дининдән, әгидәсиндән асылы олмајараг зүлмлә мүбаризәјә чағырмышды:” Өлкәдә позулмуш һүгугларыны тәләб едән вәтәндашларын ( исламчы, мүхалифәтчи, тиҹарәтчи вә ја фәһлә фәрг етмир) ганунсуз һәбсләринә сон гојулмаса, һиҹаб гадағасы һәлл олмаса, һиҹаб мәһбуслары азад едилмәсә бүтүн ҝүҹүмүзлә сечкиләрдә мүхалифәтлә чијин чијинә өлкәмиздә әдаләтин бәрпасы уғурунда мүбаризә апараҹағыг.
Биз динимизи, дөвләтимизи халгымызы севирик. Бу кечирилән аксијалар да һәрәкатын ҝүҹүнүн ҹүзы бир һиссәсидир”
Онун бу мәктубундан сонра һәбсдә олан Ислам Партијасынын сәдри Мөвсүм Сәмәдов да аналожи мүраҹиәт јајымышды вә Абҝүл Сүлејмановун рәшадәтли мүбаризәсини өјәрәк онун өнүндә тәзим етдијини билдирмишди.
Диггәт: Хәбәрдән истифадә етдикдә мәнбәјә истинад лазымдыр
