Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән «Мартын 28-дә Ағсуда бир груп диндар рајон мәсҹидиндә мәрасим кечирмәк истәјиб. Анҹаг гаршысы алындығындан мәрасим баш тутмајыб».
Бу һагда АзадлыгРадиосуна мәрасимдә иштирак етмиш илаһијјатчы Тале Бағыров мәлумат вериб:
«Ағсуда Ислам Пејғәмбәринин (сәлләлаһу әлејһи вә алиһ) гызы, Фатимеји Зәһранын (сәламуллаһи әлејһа) шәһадәти илә бағлы мәрасим кечирмәк планлашдырылырды. Мәрасимдә чыхыш етмәк үчүн мән дә дәвәт олунмушдум.
Анҹаг Ағсуја чатандан сонра полис әмәкдашлары, иҹра һакимијјәтинин нүмајәндәләри вә мүлкү ҝејимли шәхсләр мәсҹиддә тәдбирин кечирилмәсинин гаршысыны алдылар. Мәсҹисдин гапысыны бағладылар».
Һаҹы Тале Бағыровун сөзләринә ҝөрә, бундан сонра мәрасими јерли диндарлардан биринин евиндә кечирибләр.
Ағсу рајон иҹра һакимијјәти башчысынын көмәкчиси Вүгар Атакишијев АзадлыгРадиосуна дејиб ки, белә бир шеј олмајыб: «Иҹра һакимијјәтинин мәсҹиддә кечирилән тәдбирә мүдахилә етмәси гејри-мүмкүндүр».
Ағсу рајон полис шөбәсиндән исә мәсҹиддә баш верәнләрлә бағлы онларда мәлумат олмадығыны билдирдиләр.
Диггәт: Хәбәрдән истифадә етдикдә мәнбәјә истинад лазымдыр
