Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасынын Пајтахты Теһрандакы Милад гүлләсиндә, Новруз бајрамы мүнасибәти илә, мартын 15-дән башлајараг һәр ҝүн давамлы сүрәтдә хүсуси шәнлик програмлары һәјата кечирилир. Бурада Иран Ислам Республикасынын мүхтәлиф халгларын јерли мусигиләри вә адәт әнәнәләри тамашачылара ҝөстәрилир.
Шәнлик програмлары Әзиз Ислам Пејғәмбәримизин (сәлләлаһу әлејһи вә алиһ) јеҝанә гызы, Ханым Фатимәји Зәһранын (сәламуллаһи әлејһа) Шәһадәт ҝүнләриндә (Әјјами Фатимијјә сәламуллаһи әлејһа) исә, Иран Ислам Республикасынын мүхтәлиф халгларын јерли матәм вә налан мусигиләри илә өз ишинә давам едәҹәк.
24 марта тәсадүф едән Фәрвәрдин ајынын 4-үндән етибарән, Әјјами Фатимијјә (сәламуллаһи әлејһа) дахил олур. Ханым Фатимәји Зәһранын (сәламуллаһи әлејһа) Шәһадәт ҝеҹәсиндә исә, Милад гүлләсиндә Иран Ислам Республикасындакы мүхтәлиф һејәтләр, Әһли Бејт (әлејһимус сәлам) Мәддаһлары вә Розаханлары Ханым Зәһра мүсибәтләринә мәрсијәләр дејәрәк, рөзәләр охујаҹаглар...
Гејд едәк ки, Иранлы мүһәндисләр тәрәфиндән инша едилән Милад гүлләси Торентодакы ҸН гүлләси, Москвадакы Останкино гүлләси вә Шанхајдакы Ориентал Прел гүлләсиндән сонра 4-ҹү ән бөјүк коммуникасија гүлләсидир.
Милад гүлләси Теһран бејнәлхалг әлагәләр мәркәзи адлы јердә вә Теһранын шимал-гәрбиндәки Нәср мәнтәгәси тәпәләриндә јерләшибдир.
Диггәт: Хәбәрдән истифадә етдикдә мәнбәјә истинад лазымдыр
