Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Фәләстин торпагларын ишғал етмиш сионист исраил режиминин ән популјар нәшрләриндән олан “Һааретз” гәзети әлијевләр режимини “оғру һакимијјәти” адландырыб.
Гәзетин дәрҹ етдији “Антисемитизмин олмадығы өлкә” башлыглы јазыда јәһидуләрә Азәрбајҹандакы хош мүнасибәтдән, һакимијјәтин исраиллә достлуға чалышмасындан бәһс олунур. Лакин мүәллиф Аншел Пфеффер белә бир суала ҹаваб ахтарыр ки, үмумән инсан һагларыны позан вә коррупсијалашмыш режим өз халгына гаршы зоракы рәфтар етдији һалда јәһудиләрә неҹә јахшы ола биләр.
Сионист мүәллиф хатырладыр ки, сөһбәт Иран Ислам Республикасынын гоншулуғунда јерләшән, әһалисинин исә 95%-и Шиә Мүсәлманлары олан өлкәдән ҝедир.
“Азәрбајҹанлылар вә јаһудиләр мүхтәлиф империјаларын әсарәти алтында 2500 илдән артыг јанашы јашајыблар”, дејән сионист дүшүнҹәли гәзетчи белә ујдурмаға чалышыб: “Шиәләрин әксәријјәти толерант әһвал-руһијјәдәдир, Азәрбајҹан мәдәнијјәти исә кифајәт гәдәр дүнјәвидир.” !!!
Сионист мүәллиф јазыр ки, ишғалчы исраил режими Азәрбајҹанла ҝүҹлү стратежи алјансдадыр вә Президент Илһам Әлијев тез-тез јәһуди мәркәзләринә баш чәкир.
Анҹаг мүәллиф даһа сонра Дағлыг Гарабағ мүһарибәсини јада салыр вә һәмчинин, гејд едир: “Клептократик режим (јунанҹа оғру һакимијјәт ) нүмајишчиләри дөјүр, журналист вә мүхалифәтчиләри әсассыз олараг һәбсә атыр, сечкиләрин нәтиҹәләрини сахталашдырыр”!!
Дһа сонра сионист мүәллиф белә бир суал ортаја гојур: “Диктатор өз халгы илә пис, јаһудиләрлә јахшы рәфтар едә биләрми? Бәлкә онун һәрәкәтләри Вашингтондакы “јаһуди лоббисинин” һимајәсинә олан үмидлә изаһ едилир?”.
Диггәт: Хәбәрдән истифадә етдикдә мәнбәјә истинад лазымдыр
