Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Мүдафиә Назири Ҝенерал Әһмәд Вәһиди “Космос Технолоҝијалары үзрә тәдгигатчыларын јығынҹағында чыхыш едәрәк аидиторианы “Фәҹр Онҝүлүјү” мүнасибәти илә тәбрик еәдрәк дејиб: “Вәтәнимизин пак өвладлары “Үмид” пејкини “Сәфир 1-А” ракети илә космоса ҝөндәрдикдә, дүнјаны инамсызлыг бүрүдү. Биз шөһрәтлә долу олан бу јолун давамчыларына өз тәшәккүрүмүзү билдирмәли вә онларын чәкдикләри зәһмәтләрин гәдрин билмәлијик”.
О, Иран Ислам Республикасыны севмәјән гара гүввәләрин јајдыглары шајәләрә “неҹә олду ки, ИИР бу бөјүк вә мүррәкәб елми налијјәти әлдә етди!?” ишарә едәрәк билдириб: “Дүнјанын бәзи инкишаф етмиш өлкәләри јүксәк хәрҹләр чәкмәсинә вә бөјүк гүдрәтләрин онлара елми вә техноложи јардымлар етмәсинә бахмајараг, һәлә дә космоса пејк ҝөндәрмәјә наил олмамышлар”.
Иран Ислам Республикасынын Мүдафиә Назири бәзи гәрб өлкәләри тәрәфиндән Иран Ислам Республикасынын космоса пејк ҝөндәрмәсини “јалан” адландырмасына ишарә едәрәк тәкидлә билдириб: “Һазыркы дөвләтдә аерокосмик саһә үзрә он ил план һазырланмышдыр вә бу план сүрәтлә иҹра олунду, бу мүддәт әрзиндә хејли инкишаф етдик. Инди гүрурла дејә биләрик ки, әлдә етдијимиз налијјәтләрин бәзиси јалныз беш өлкәјә мәһдудур”.
Ҹәнаб Вәһиди Иран Ислм Республикасынын Електроника Сәнајесиндә һазырланан “Тулу” пејкинин “Симорғ” ракети илә космоса ҝөндәрилмәсини аерокосмик саһәдә јени аддым кими гијмәтләндирәрәк билдириб: “Иран Ислам Республикасынын бүтүн инистутлары аерокосмик саһә үзрә инкишаф етмәкдәдир. Вә бу аерокосмик саһәнин уғурлу ҝәләҹәјиндән хәбәр верир. Хатырладаг ки, бу саһә үзрә јени мүһәрркиләрин тест едилмәси үчүн нөвбәти јени мәркәз јарадылыб...”
О даһа сонра дејиб: “Имам Хомејни (рәһмәтуллаһи әлејһа) адына тикилән јени космос стансијасы артыг јекун мәрһәләсиндәдир. Тезликлә “Тулу” пејкини “Симорғ” ракети илә бу стансијадан космоса ҝөндәриләҹәк.”
Диггәт: Хәбәрдән истифадә етдикдә мәнбәјә истинад лазымдыр
