Әһли Бејт (әлејһис сәлам) - АБНА - Хәбәр Аҝентлијинин вердији хәбәрә әсасән Фәалијјәти дајандырылмыш Азәрбајҹан Бејнәлхалг Университетинин ректору, һазырда Франсада мүһаҹирәтдә олан Елшад Абдуллајевин видео фыртынасындан сонра Президент Администрасијасынын (ПА) рәһбәри Рамиз Меһдијевә истефа вермәк тәклиф олунуб. Бу барәдә мәлумат һакимијјәт дахилиндән сызыб.
Мәлуматда билдирилир ки, “мандат алвери”ндә Рамиз Меһдијевин ады һалландығы үчүн, диҝәр тәрәфдән Елшад Абдуллајев гардашы Маһир Абдуллајевин оғурланмасында ПА рәһбәрини сучладығы үчүн онун истефасы мәгсәдәујғун сајылыб. Истефа тәклифинин биринҹи шәхсдән, јохса Рамиз Меһдијевә әкс груплашма тәрәфиндән ҝәлдији дәгиг бәлли дејил. Бәлли олан одур ки, ПА рәһбәри гәти шәкилдә тәклифдән имтина едиб. О, истефа вермәк нијјәтиндә олмадығыны билдириб.
Мәлумат үчүн дејәк ки, Елшад Абдуллајевин видеолардан сонра рәгибләри тәрәфиндән Рамиз Меһдијевә һүҹумлар шиддәтли характер алыб. ПА рәһбәринә мүавинләр тәјин едилмәклә онун нәзарәтә ҝөтүрүлмәси, ЈАП-а нәзарәт имканларынын сарсыдылмасы бу һүҹумларын тәркиб һиссәси сајыла биләр. Бир мәгамы да гејд етмәк јеринә дүшәр ки, видеолардан сонра Рамиз Меһдијевин истефа вердији барәдә мәлуматлар да јајылмышды. Бу рәгибләринин ПА рәһбәринә месажы кими дәјәрләндирилирди. Јәни, рәгибләри Рамиз Меһдијевә месаж верир ки, онун үчүн ән јахшы чыхыш јолу истефа вермәсидир.
Лакин ҝөрүнүр, ПА рәһбәри сијаси карјерасыны “мандат алверчиси” кими баша вурмаг нијјәтиндә дејил.
Диггәт: Хәбәрдән истифадә етдикдә мәнбәјә истинад лазымдыр
