Әһли Бејт -АБНА- хәбәр аҝентлијинин вердији хәбәрә әсасән 1980-ҹи илдән бу ҝүнә гәдәр Пакистан дахилиндә гәтлиам олунан, Әһли-Бејт (әлејһис сәлам) мәктәбинин давамчылары сајылан Шиәләрин сајы 20 мин нәфәр ҹиварыны өтүб. Статистикаја ҝөрә бу әдәдин 30%-ни ушаглар тәшкил едир. Бу да тәхминән 6 мин ушағы әһатә едир.
Ачыгланан һесабатлара ҝөрә Шиә мүсәлманларындан әлавә минләрлә Барелви [1] Сүнни, Христиан вә Һинди, тәкфирҹи сәләфиләр тәрәфиндән, Пакистан ордусундакы ҹиһадчы ҝенералларын дәстәји илә шәһид едилибләр.
Сәудијјә Әрәбистанын вәһаби режими тәрәфиндән Пакистанда гурулан Деобанди, Талибан вә Сепаһ-ы Сәһабә адлы тәкфирҹи террор тәшкилатлары, Шиә сој гырымларында мәсулјјәт дашыјан тәшкилатлардыр. Бу тәшкилатлар, сәләфиләрә дәстәк вермәјән Барелви, Әһмәдијјә кими сүнниләри дә һәдәф алдыглары кими христиан вә Һиндиләрә да һүҹум чәкәрәк ҹинајәтләр төрәдирләр.
Бүтүн бу ҹинајәтләрә бахмајараг бејнәлхалг тәшкилатлар вә Пакистан дөвләти, Шиәләрә гаршы һәјата кечирилән гырғынлар гаршысында сәссизлијә бүрүнмүш вә һүҹумларда өлдүрүләнләрин сајынын мүәјјән олмамасы үчүн, пәрдә архасында гејд олунан террорчу групылары гидаландыран, өјрәдән, силаһландыран Сәудијјә Әрәбистанынын ортаја чыхмамасы үчүн әлләриндән ҝәлән сәјләри сәрф едирләр.
Бејнәлхалг тәшкилатлар вә Пакистан дөвләти, Шиәләрә вә Барелви Сүнниләринә гаршы һәјата кечирилән бу ҹинајәтләрин мејдана чыхмамасы үчүн, гырғын вә бомбалама хәбәрләрини Шиәләрлә Сүнниләр арасында јашанан мәзһәб гаршыдурмалары кими гијмәтләндирәрәк, дүнја иҹтимаијјәтинә бу шәкилдә тәгдим едирләр.
[1] Гејд едәк ки, Барелвилик, Һиндистан сүнни мүсәлманлары тәрәфиндән он доггузунҹу әсрдә, Һиндистанда јарадылыб. Барелви Мүсәлманлары Һиндистаны истисмар едән Инҝилисләрә вә мүсәлманлар арасында фитнә вә фәсад јарадан вә онларла һәмәгидә олмајан диҝәр мүсәлманлары мүшрикликдә ҝүнаһландырыб тәкфир едән ваһаби - сәләфиләрә гаршы сәрт чыхышлары илә таныныр. Бу групун лидерләриндән бири "Әһмәд Рза Хан Барелвидир.
Диггәт: Хәбәрдән истифадә етдикдә мәнбәјә истинад лазымдыр
