Әһли Бејт -АБНА- хәбәр аҝентлијинин вердији хәбәрә әсасән ики ҝүн өнҹә АБШ-ын Коннектикут штатынын Нјураун шәһәриндәки Сенди Һук адлы ибтидаи мәктәбдә атышма олуб. Һадисә заманы 18-и азјашлы ушаг олмагла 27 нәфәр өлдүрүлүб.
ИИР КИВ-нин мәлуматлара ҝөрә, гәтлиамы төрәдән шәхс сонда өзүнү дә ҝүлләләјәрәк өлдүрүб. Бу ҝүн исә алдығымыз мәлумата ҝөрә, јерли һәкимләр експертизанын нәтиҹәләрини артыг ачыглајыблар. Өлән ушагларын һамысы 7 јашадәк олан көрпәләрди. Гурбанларын һәр бири ән азындан үч ҝүллә јарасы алыб. Ҹинајәткар онларын өлдүјүнә әмин олмајынҹа атәш ачмағы давам едиб.
Сағ галан ушагларын валидејнләри 27 јашлы мүәллимә Викторија Сотону миннәтдарлыгла јад едирләр. О, ушаглара ҝөрә һәјатындан кечиб. Атәш сәсини ешидән мүәллимә шаҝирдләри туалетдә ҝизләдиб. Аудиторијаја гајыдан мүәллимә гатилә ушагларын идман залында олдуғуну сөјләјиб. Бундан гәзәбләнән ҹинајәткар мүәллимәни гәтлә јетириб.
Һадисәнин шаһидләри инди-инди өзләринә ҝәлирләр вә фаҹиәни хатырламаға башлајырлар.
“Мән ушаглара сакит отурмағы тапшырдым. Чох горхмушдум. Ушаглара баша салдым ки, гапынын архасында пис адамлар вар вә биз сакит отурмалыјыг ки, онлар бизи ешитмәсинләр” - дејә сағ галан мүәллимә билдириб.
Диггәт: Хәбәрдән истифадә етдикдә мәнбәјә истинад лазымдыр
