Әһли Бејт -АБНА- хәбәр аҝентлијинин вердији хәбәрә әсасән И.Амид. Иран Ислам Республикасынын витсе-президенти, Иран Мәдәни Ирс вә Мәдәнијјәт Тәшкилатынын сәдри Сејид Һәсән Мусәви Гафгаз Мүсәлманлары Идарәсинин (ГМИ) сәдри Шејхүлислам Аллаһшүкүр Пашазадәни Теһрана дәвәт едиб.
С.Һ.Мусәви ГМИ сәдри илә буҝүнкү ҝөрүшүндә дејиб: "Биз дост вә гардаш өлкәләрик. Мән Президент Илһам Әлијевлә ҝөрүшдә Иран Ислам Республикасынын дост вә гардаш месажларыны чатдырдым. Иран Ислам Республикасы Азәрбајҹанын әрази бүтөвлүјүнү дәстәкләјир. Ики гардашын арасына һеч кәс ҝирә билмәз. Биз Азәрбајҹаны принсипиал мәсәләләрдә дәстәкләјирик. Һәмчинин Иран халгы вә дөвләти сизи чох истәјир”.
Тәшкилат рәһбәри вурғулајыб ки, Иран Ислам Республикасынын өлкәмизә јени тәјин олунмуш сәфири Мөһсин Пак Ајин јахын вахтларда Азәрбајҹана ҝәләҹәк. Һесаб едирәм ки, јени сәфир өлкәләр арасында мүнасибәтләрин даһа да сыхлашмасына ҝәтириб чыхараҹаг.
А.Пашазадә билдириб ки, ИИР-ла Азәрбајҹан дост вә гардаш өлкәдир. Бизим дөвләтләр арасында һеч бир проблем јохдур.
ГМИ сәдри вурғулајыб ки, ортада бәзи аравуранлар вар вә иншаллаһ, онлар да доғру јола ҝәләрләр. Әминәм ки, Азәрбајҹан илә Иран Ислам Республикасы арасында мүнасибәтләрин һәмишә јахшы олаҹаг.
Шејхүлислам Азәрбајҹан шаирләринин һәбсдән азад олунмасына ҝөрә, ИИР тәрәфинә тәшәккүр едиб.
Диггәт: Хәбәрдән истифадә етдијдә мәнбәјә истинад лазымдыр
