Әһли Бејт -АБНА- хәбәр аҝентлијинин вердији хәбәрә әсасән “Гуран севәрләр” иҹтимаи бирлијинин тәшкилатчылығы илә 6-ҹы бөлҝәләр үзрә Гуран мүсабигә кечирилир. Тәдбирдә Гуран охумаг, һифз вә тәфсир мүсабигәләри кечирилир. Артыг мүсабигә 4 бөлҝәдә баш тутмушду.
Чох тәәссүф олсун ки, 5-ҹи бөлҝә - Ҝәнҹә вә әтраф рајонлар үзрә мүсабигәјә иҹра органлары иҹазә вермәјибләр.
Илк өнҹә етираз Ҝәнҹә шәһәр иҹра һакимијјәтиндән ҝәлиб. Мәсул нүмајәндә бу тәдбирин мәгсәдәујғун олмадығыны билдириб.
Даһа сонра етираз Минҝәчевирдән ҝәлиб. Тәдбир тәшкилатчылары Ҝоранбој рајонунда кечирмәк истәдикдә јенә дә иҹра һакимијјәтинин манеәси илә үз-бәүз галыблар.
Әввәлҹә иҹазә версәләрдә сонрадан Гуран тәдбиринин кечирилмәсинә мане олублар. Сонда үмид Ҝөј-Ҝөлә галыб.
Бу рајон нүмајәндәләри илә әлагә сахланылыб. Тәдбирин кечирилмәсинә иҹазә верилиб. 12 нәфәрдән ибарәт мүнсифләр һејәти вә тәшкилатчылар бу рајона үз тутублар. Амма тәшкилатчыларын севинҹи узун сүрмәјиб. Сәһәр саатларында мәсҹидә дахил олдугда мәсҹидин рәһбәрлији билдириб ки, дүнән ахшам иҹра вә дини комитә нүмајәндәләри тапшырыг верибләр ки, Гуран мүсабигәси кечирмәк олмаз.
Тәшкилат рәсмиси Исламазери.аз-а бунунла бағлы мүнасибәт билдириб: "Анламырам, бүтүн Азәрбајҹаны ҝәздик, бүтүн рајонларда чох јүксәк сәвијјәдә тәдбирләр кечирилди, нијә Ҝәнҹә вә әтраф рајонларда бу мүмкүн дејил. Мәҝәр бизә Дини комитә вә Мүсәлманлар Идарәсиндән иҹазә верилдикдә бу тәдбирләри бүтүн Азәрбајҹанда кечирмәјә иҹазә вермәјибләр?! Әҝәр иҹазә верибләрсә, нијә манеә јарадырлар. Мүәммалы мәсәләдир. Гуран мүсабигәсинә бу гәдәр лагејдлик нәдән јараныр. Биз үмид едирик ки.ҝәләҹәкдә бу ҹүр манеәләрлә јох, Гурана севҝи вә мәһәббәтлә гаршылашаҹағыг. Чүнки, Гурани-Кәрим мүгәддәс вә илаһи бир китабдир.Вә һәм дә севҝили пејҝәмбәримизин бизә әманәтидир. Ҝәлин бу әманәти бирликдә севәк, бирликдә горујаг".
Гаршы тәрәфиндән мөвгејин дәрҹ етмәјә һазырыг.
Охшар хәбәрләр:
Елмар Вәлијев Ҝәнҹәдә ифтар сүфрәсин вә Гәдр ҝеҹәләрин гадаған етди
Диггәт: Хәбәрдән истифадә етдијдә мәнбәјә истинад лазымдыр
