Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Президенти Маһмуд Әһмәди Нежадын һәјат јолдашы Гошулмама Һәрәкатында иштирак едән өлкәләрин биринҹи ханымлары үчүн Теһранда шам јемәји вериб
Иран Ислам Республикасынын Хариҹи Ишләр Назирлијинин Ҝүзҝүлү залында баш тутан шам јемәјиндә 29 өлкә башчысынын һәјат јолдашы иштирак едиб.
Гонаглары саламлајан ИИР президентинин ханымы Әзәм Әс-Сәадәт Фәрраһ дејиб: “Дүнја мәдәнијјәтинин тәркиб һиссәләри олан хошбәхт ҹәмијјәт вә давамлы сүлһә наил олмаг, һәмчинин, мәнәви дәјәрләри горумаг үчүн һәмрәјлик вә бирҝә сәјә еһтијаҹ вар. Давамлы сүлһ вә сабитлик Гошулмама Һәрәкатына үзв өлкәләрин гаршысында дуран мәгсәддир”.
Ханымы Әзәм Әс-Сәадәт Фәрраһ јахын ҝәләҹәкдә Гошулмама Һәрәкатына үзв өлкәләрин биринҹи ханымларынын хүсуси иҹласынын кечириләҹәјинә вә тәдбирдә гадын вә ҝәнҹләрин сосиал фәаллығынын артырылмасы програмынын мүзакирә олунаҹағына үмидвар олдуғуну билдириб
Диггәт: Хәбәрдән истифадә етдијдә мәнбәјә истинад лазымдыр
