Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасынын (АИП) идарә һејјәтинин бу ҝүн кечирдији топлантыда гурумун тәшкилат мәсәләләри үзрә сәдр мүавини Ариф Гәнијевин Ширван Апелласија Мәһкәмәси тәрәфиндән јенидән һәбси һаггында гәбул етдији гәрар исламчылара гаршы нөвбәти әдаләтсиз аддым кими гијмәтләндирлмишдир.
Мәлум олдуғу кими, А.Гәнијев Сумгајыт шәһәр мәһкәмәсинин һөкмү илә 1 ил 6 ај мүддәтинә азадлыгдан мәһрум едилмишди. О ҹәзасынын бир һиссәсини чәкдикдән сонра вахтындан әввәл, јәни бу илин ијун ајынын 6-да шәрти азадлыға бурахылмышды. Һәмин гәрардан прокурорлуөун вердији апелласија шикајәтинә бахан мәһкәмә А.Гәнијев барәсиндә һәбсинин галан һиссәсини дә һәбсхана дүшәрҝәсиндә кечирмәк барәдә һөкм чыхармышдыр. АИП функсионерләри кечирдикләри мүзакирәдә гејд етмишләр ки, үмумијјәтлә Ариф Гәнијев там ганунсуз сахланмыш вә һәбс олунмушду. Она аид едилән иттиһам өлкәдә мөмин инсанлара гаршы дүзәнләнән стереотпдән башга бир шеј дејилди. Ҹәмијјәт үчүн нүмунәви ҹәһәтләри илә өрнәк олан бир шәхси бу ҹүр гарајахмалар олса-олса һакимијјәтин ҝүнаһсыз инсанлары ҹәзаландырмаг истәјинин һәјата кечирилмәси имиҹи кими гијмәтләндириләҹәк. Топланты иштиракчылары бир даһа нәзәрә чатдырмышлар ки, А.Гәнијевин һәбсханадан вахтындан әввәл азадлыға бурахылмасы онун мәһз әхлаглы, нүмунәви давранышы, һәбсхана рәһбәрлији, нәзарәтчиләри гаршысында газандығы етимад вә инам сајәсиндә мүмкүн олмушдур. Дөвләт иттиһамчысынын сон аддымы исә һеч вәҹһлә баша дүшүлән дејил. Адәтән мәһкәмә истинтагында дөвләт иттиһамчысынын мөвгеји һаким тәрәфиндән сөзсүз јеринә јетирилир, бәлкә аз фәрглә. Бу мәсәләдә исә прокурорун сонрадан белә бир иддиа илә чыхышы мүәммалыдыр. Ҝөрәсән дүөвләт иттиһамчысы нәдән наразы галды ки, А.Гәнијевин јенидән һәбсханаја гајтарылмасыны тәкид едәрәк апелласија шикајәти верди. Бизҹә, бу һала прокурору вадар едән амилләр артыг бәллидир, амма һәр һалда негатив вә шүбһә доғурандыр. АИП рәһбәрләри А.Гәнијевә гаршы гәрәзли мүнасибәти пиләмиш, бу һагсызлығы Азәрбајҹанда инсан һагларынын позулмасы, өлкә вәтәндашларынын һүгуг вә аздлыгларынын кобуд шәкилдә мәһдудлашдырылмасы кими гијмәтләндирмишләр. Топланты иштиракчылары сонда дөвләтин һүгуг-мүһафизә органларындан ҝүнаһсыз инсанлара, о ҹүмләдән АИП үзвләринә гаршы гәрәзли мүнасибәти, тәһдид вә һәбсләри дајандырмағы тәләб етмишләр.
Диггәт: Хәбәрдән истифадә етдијдә мәнбәјә истинад лазымдыр
