Жуан Kруселин атасы, мәракешли мүсәлман таҹир, анасы исә франсыз христиан бир ханым иди. Жуан атасы илә Мәракешә сәфәр етдикдән сонра орада Исламы гәбул едир вә мүсәлман олур.
О, ҝүнләрин бириндә әһли-сүннә тәрәфиндән Парисдә тәшкил олунмуш ҹүмә намазында иштирак едәркән Имам Хомејнинин франсызҹаја тәрҹүмә олунмуш данышыгларынын мәтнини намазгыланлар арасында пајланыр. Жуан сакит бир ҝүшәјә чәкилиб она да верилән вәрәгәны охумаға башлајыр. Бир мүддәтдән сонра иранлы тәләбәләрлә мүнасибәтини јахшылашдырыр. Иранлы достларындан Мәсуд адлы шәхс, Жуаны “Кумејл” дуасында иштирак етмәјә дәвәт едир. Атасы мәракешли әрәб олдуғу үчүн Жуан әрәб дилини јахшы билирди.
Бир мүддәт кечдикдән сонра достлары Жуаны әли ачыг, мөһүрлә намаз гылдығынын шаһиди олурлар вә һәмин ҝүнү Жуанын шиә олмасы мүнасибәти илә шәнлик едирләр. Шиә олмасынын сәбәбини ондан суал етдикдә, о дејир: “Мән Һәзрәт Әлинин (ә) “Кумејл” дуасы васитәси илә шиә олдум”.
Жуан шиә олдугдан сонра адыны дәјишиб “Әли” гојмаг истәјир. Лакин досту Мәсуд Жуандан адыны дәјишмәмәјини вә шиә олмасынын Имам Әли (ә) илә өз арасында сирр галмасыны хаһиш едир.
Жуан мүсәлман олдуғу үчүн адыны дәјишиб Камал гојур. Анасынын достлары илә мүнасибәтиндән нараһат олдуғуну ҝөрүб јахындан таныш олмаг үчүн анасыны Ҹанон шәһәринә апарыр. Камал (Жуан) бу шәһәрдә дини әдәбијјаты мүталиә етмәјә башлајыр. Ән чохда шәһид Мүртәза Мүтәһһәринин китабларыны охујур.
Камал бир ҝүн Мәсуда дәрсләрини бурахыб Ирана ҝедәҹәјини вә орда һөвзә дәрсләринә мәшғул олаҹағыны билдирир. Нәтиҹәдә Мүгәддәс Гум шәһәринә ҝәләрәк бурадакы “Һөҹҹәтијјә” мәдрәсәсинә гәбул олур. Илк олараг фарс дилини өјрәнир вә “Гырх һәдис вә һиҹаб мәсәләләри” китабыны фарсҹадан франсыз дилинә тәрҹүмә едир.
Камал өз достларындан ону “Әбу-Һејдәр” сәсләндирмәләрини хаһиш едир вә онлара дејир: “Бу мәнимлә һәзрәт Әлинин (ә) арасында олан һәмин сиррдир”.
Бир дәфә дәрсләринин һәлә сона чатмадығы вахтларда Жуан зәнҝ едир вә дејир: “Аилә гурмаг үчүн тәләбә, сејјидә, руһани өвлады олан, ҝөзәл бир ханым ахтарырам”. Достлары ибтида сәбр етмәјини, дәрсләр битдикдән сонра аилә гурмағыны исрар едирләр. Лакин Камал буна разы олмур. Мәсуд Имам Хомејнин китабларындан бирини Камала ҝәтирир вә Имам Хомејнинин тәләбәләрә төвсијәсини она ҝөстәрир. Төвсијәләрдән бири дә илк тәләбәлик илләриндә тәләбәләрин аилә гурмамалары мәсәләси иди. Камал бундан сонра Имам Хомејнијә олан мәһәббәтиндән вилајәти-фәгиһин бујурдугларыны Әһли-бејт (ә) әмрләриндән сајараг аилә гурмағы тәхирә салыр.
Камал 24 јашында “Бәдр” ордусуна көнүллү гошулараг “Мирсад” һәрби әмәлијјатларында иштирак едир. Бир һәфтәдән сонра исә шәһадәт хәбәри ҝәлир.
Франсалы тәләбәләрдән бири дејир: “Әҝәр Камал шәһид олмасајды, буҝүн бөјүк бир алимлә үз-үзә идик”.
Әзиз Камал! Инанҹынын көкү вүҹудумузда даим јашыл олсун!
Диггәт: Хәбәрдән истифадә етдикдә мәнбәјә истинад лазымдыр
