Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын ХИН-ин даими нүмајәндәси Рамин Меһманпәрәст медиа гаршысында билдириб: “Иран Ислам Республикасынын Хариҹи Ишләр Назири Әли Әкбәр Салеһи назирләр сәвијјәсиндә кечириләҹәк Әфганыстан үзрә конфрансда иштирак етмәк үчүн Кабилә јола дүшүб”.
Онун сөзләринә ҝөрә, конфрансда 13 реҝион, 12 гејри-реҝион өлкәси вә 13 бејнәлхалг тәшкилатын нүмајәндәләри иштирак едәҹәкләр.
Рамин Меһманпәрәст даһа сонра билдириб: “Иран Ислам Республикасынын ХИН рәһбәри Әфганыстанда сабитлик вә тәһлүкәсизлијин тәминаты саһәсиндә өлкәсинин тәклиф етдији механизми ачыглајаҹаг”.
Билдирәк ки, конфранс өтән илин нојабрында кечирилмиш Истанбул конфрансынын нәтиҹәләри әсасында баш тутаҹаг. Конфрансда Әфганыстанда тәһлүкәсизлијин тәминатына ҝөрә мәсулијјәтин тәһвил верилмәси, милли барышыг просеси, террор вә ҹинајәткарлыгла мүбаризә, гачгынлар, игтисади әмәкдашлыг проблемләри вә реҝионда етимадын мөһкәмләндирилмәси тәдбирләри мүзакирә олунаҹаг.
Диггәт: Хәбәрдән истифадә етдикдә мәнбәјә истинад лазымдыр
