Әһли Бејт -АБНА- хәбәр аҝентлијинин вердији хәбәрә әсасән Имам Хомејнинин вәфатынын илдөнүмү әрәфәсиндә вердији мүсаһибәдә таҹик политолог Гијамаледдин Сетари билдириб: “Иран Ислам Ингилабынын әсасыны гојмуш Имам Хомејни ССРИ дөврүндә Мәркәзи Асија вә Гафгаз мүсәлманларыны дәстәкләјән, онларын дин вә сөз азадлығы һүгугларыны тәләб едән јеҝанә Ислам Лидеридир”.
Онун сөзләринә ҝөрә, һәлә дә дүнјада Имам Хомејни кими Лидер јохдур.
“Ирандакы ингилаб илә диҝәр, һәмчинин Русија вә Франсада баш верән ингилаблар арасында әсаслы фәрг вар. Ирандакы ингилаб халга фәрди азадлыг бәхш етди вә Мәркәзи Асијадакы мүсәлманларын вәзијјәтини јахшылашдырды”, - Г.Сетари дејиб.
Имамын мүсәлманларын дини ајинләри кечирмәси үчүн мөвҹуд әнҝәлләрин арадан галдырылмасы илә бағлы ССРИ рәһбәри Михаил Горбачова ҝөндәрдији мәктубу гејд едән политолог билдириб ки, Иран Ингилабынын гәләбәсиндән сонра, Мәркәзи Асија өлкәләриндәки мәсҹидләрин гапылары мүсәлманларын үзүнә ачылды.
“Таҹикистан халгы имам Хомејнини севир вә һөрмәт едир. Бизим өлкәнин ән уҹгар бөлҝәләриндә дә ону таныјыр вә гаршысында баш әјирләр. Таҹикистанда көрпәләрә имамын адыны верирләр”, - политолог дејиб.
Диггәт: Хәбәрдән истифадә етдикдә мәнбәјә истинад лазымдыр
