Әһли Бејт -АБНА- хәбәр аҝентлији- Азәрбајҹанда мүтәмади олараг диндарларын шикајәт етдији һиҹабла бағлы проблемләрин јарандығы мүшаһидә олунур. Белә проблемләрдән бири дә өтән ҝүн Зәрдаб рајонунда јашаныб. Бу барәдә мәлуматы рајон сакинләриндән бири сосиал шәбәкәләрдә јајыб.
Зәрдаб рајон Иҹра Һакимијјәтинин башчысы Лүтвәли Бабајев ики ҝүн өнҹә кечирдији иҹласда һиҹаб бағламыш бир гадыны топлантыдан говуб. Тәләби дә бу олуб ки, әҝәр гадын һиҹабыны ачмаса, нә ишдә галаҹаг, нә дә топлантыја гатыла биләҹәк.
Дүздүр, тәәссүф ки, һәмин гадын горхусундан башыны ачараг, јенидән иҹласа гатылыб. Амма буну да онун еһтијаҹынын чохлуғу илә вә ишини итирәрсә, аиләсиндә сыхынтыларынын јаранмасы илә изаһ едибләр.
Бундан башга, Лүтвәли Бабајевин Зәрдабда јени гајдалар тәтбиг етдијинә даир дә мәлуматлар вар. Иҹра башчысынын јени гәрарына әсасән бундан сонра рајонда ким ишә дүзәлмәк истәјирсә, илк нөвбәдә ЈАП-а үзв олмалыдыр. Әкс тәгдирдә, һәмин шәхсин ишлә тәмини мүмкүн дејил.
Иҹра башчысынын белә гәрарындан сонра рајон ҝәнҹләри арасында наразылыг јараныб. Чүнки онларын бир чохлары һеч бир сијаси тәшкилатын үзвү олмаг истәмирләр.
Диггәт: Хәбәрдән истифадә етдикдә мәнбәјә истинад лазымдыр
