Әһли Бејт -АБНА- хәбәр аҝентлијинин вердији хәбәрә әсасән 15 мај тарихиндә мүгәддәс Гум шәһәринин "Мәсумијјә" Елми Мәдрәсинидә кечирилән "Азәрбајҹан Республикасында Ислами Ојанышын Арашдырылмасы" Конфрансында чыхыш үчүн сөз Әрдәбил әһалисинин Ислам Шурасы Мәҹлисиндәки нүмајәндәси Мәнсур Һәгигәтпур ҹәнабларына верилмишдир.
Ҹәнаб Һәгигәтпур чыхыш заманы Азәрбајҹан Республикасынын мәдәни, иҹтимаи вә сијаси хүсусијјәтләринә тохунараг дејиб: "Азәрбајҹанын Иран Ислам Республикасы илә ортаг сәрһәдләрә малик олмасы вә бу ики өлкәнин бир-биринә сәрһәд боју бирләшмәсиндән әлавә, бу өлкә халгы мәдәни вә сој бахымындан да Ирана јахындыр".
О, Азәрбајҹан өлкәси халгынын 80 фаиздән чохунун "Ҹәфәри" мәзһәбини ардыҹылы олараг дүнјанын икинҹи Шиә өлкәси олдуғуна да ишарә едәрәк билдириб: "Бу өлкәдә јүзләрлә Мәсҹид, чохлу Имамзадә, онларла бөјүк Мүҹтәһид, ҝениш шәкилдә кечирилән әзадарлыглар, мәшһур Арифләр, Шиәлијә аид бәдии вә елми әсәрләр, халг арасында Әһли Бејтә (әлејһимус сәлам) аид олан адларын мөвҹудлуғу, һиҹаба риајәт етмәк һамысы Азәрбајҹан халгынын Ислам вә Әһли Бејт (әлејһимус сәлам) мәктәбинә етигадынын ҝөстәриҹисидир" .
Әрдәбил әһалисинин нүмајәндәси Азәрбајҹан халгынын Имам Һүсејнә (әлејһис сәлам) әзадарлыг етдикләринә ҝөрә Русијанын сојуг Сибир мәнтәгәсинә, ҝедәр ҝәлмәзә сүрҝүн едилмәләринә ишарә едәрәк чыхышына давам етдириб: "Азәрбајҹан халгы бүтүн варлығы илә өз мәзһәб вә иффәтини, һәтта саггалыны белә горумушдур вә дүшмәнләрин мәдәни һүҹумларынын гаршысында ҹидди мүбаризә апарыблар".
Доктор Һәгигәтпур, ислами вә дини тәфәккүрүн дәјишдирилмәсини, ислами символларла ҹидди мүбаризәни, дини китабларын јандырылмасыны, алимләрә һөрмәтсизлик едилмәсини, ислами тәгвимин милади тәгвими илә әвәз едилмәсини, тәтил ҝүнүнүн ҹүмә ҝүнүндән базар ҝүнүнә кечирилмәсини, кино филмләри кими сәнәт әсәрләри васитәләрилә анти-дин тәблиғатын апарылмасыны, Шиә Руһаниләрини лаға гојулмасыны, әразиләрин адынын дәјишдирилмәсини, сеператчы һәрәкатларын јарадылмасыны, мүсәлманларын мәлуматларыны ҹидди нәзарәтдә сахламығы, бәзи мүбаризәләрин Дин әлејһинә олмасыны јазараг тарихи сахталашдырмағы, Дини мәдәнијјәтин трансформасија едилмәсини рус һөкумәтинин Азәрбајҹанда јеритдији сијасәтләрдән олдуғуну билдирди.
О, Азәрбајҹан халгынын дини кимлијинин дәјишдирилмәсини вә онлары секүлар тәфәккүрә јөнәлтмәјин ҝүндәликдә олмасына ишарә едәрәк деди: "Бүтүн бу мәһдудијјәтләрә бахмајараг, шиә мәзһәбинин Әһли Бејт (әлејһимус сәлам)вә Гурана олан севҝиси галмагда, һәтта һәр ҝүн бу севҝи артмагдадыр".
Мәнсур Һәгигәтпур совет режиминин сүгутун ингилаб вә дәјәрләрин дәјишмәси мәнасына олмадығыны билдирәрәк, һәмин структурун вә габагкы фәзанын өз јериндә галмасына ишарә едәрәк дејиб: "Реҝонда баш верән сон Ислами Ојаныш диҝәр деврим вә сүгутларла фәрглидир. Азәрбајҹанда дәјәрләр дәјишмәди".
О, мадди бүнөврәнин олмамасыны, тактикасызлығы, тәһлүкәсизлик бахымындан зәиф олмағы вә елми бүнөврәнин олмамасыны совет һөкумәтинин дағылмасындан сонра мүсәлманларын ән ҹидди вә бөјүк проблемләри адландырараг деди: "Бу проблемләрдән әлавә, мүсәлманлар үчүн диҝәр мәһдудијјәтләр јарадылырды вә секүларизмин вә вәһабилијин фәалијјәтләри бу мәһдудијјәтләр ҹүмләсиндәндир".
Азәрбајҹан бөлҝәси үзрә бу експерт Азәрбајҹан өлкәсиндәки мөвҹуд ислами ојанышын диҝәр өлкәләрдәки Ислами Ојаныш сәвијјәсиндә олмамасына вә бу вәзијјәтлә һакимијјәт вә дәјәрләр дәјишиклијинин мүмкүнсүзлүјүнә дә ишарә едәрәк деди: "Азәрбајҹанын бир даһа Кәрбләла вә Ашураја еһтијаҹы вар".
Доктор Һәгигәтпур һомосексуалларын бу өлкәдәки парад програмына да тохунараг бу һәрәкәти писләјәрәк вурғулады: "Бу һәрәкәт Азәрбајҹан халгынын јаддашындан силинмәјәҹәк вә һеч ҹүр бағышланасы дејил".
Гејд едәк ки, "Азәрбајҹан Республикасында Ислами Ојанышын Арашдырылмасы" Конфрансы "Мәсумијјә" Елми Мәдрәсәсинин бәсиҹ тәләбәләринин тәшәббүсү, руһани вә тәләбәләрин иштиракы илә кечирилди.
Диггәт: Хәбәрдән истифадә етдикдә мәнбәјә истинад лазымдыр
