Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Хариҹи Ишләр Назирлијинин рәсми нүмајәндәси Рамин Меһманпәрәст ИИР-сы вә “алтылыг” арасында нүвә данышыгларына ишрә едәрәк билдириб: “Хариҹи дөвләтләр Ирагда һүҹумлар тәшкил едәрәк, Иран Ислам Республикасы вә “алтылыг” арасында нүвә данышыгларынын мајын 23-дә Бағдадда кечирилмәсинә мане олмаг истәјирләр”.
Меһманпәрәст ачыгламасынын давамында дејиб: “Һансы өлкәләрин данышыгларын нәтиҹә вермәсини истәдији, һансы өлкәләрин исә разылашма әлдә олунмасына гаршы олдуғу ајдындыр. Һәмчинин, реҝионда тәһлүксизлији тәмин едән вә зоракылығын артмасына чалышан өлкәләрин һансылар олдуғу да мәлумдур”.
Диггәт: Хәбәрдән истифадә етдикдә мәнбәјә истинад лазымдыр
