Әһли Бејт -АБНА- хәбәр аҝентлијинин вердији хәбәрә әсасән Апрелин 10-да журналистләрә ачыглама верән Дүнја Мүсәлманларынын Дини Лидери Ајәтуллаһ Әли Хамнејинин Сепаһдакы Нүмајәндәси Һөҹҹәтүл Ислам вәл Мүслимин Шејх Әли Сәиди Түркијәнин Сурија мәсәләсиндәки ролундан вә баш назир Рәҹәб Тејјуб Әрдоғанын хам хүлјаларындан данышыб.
Һөҹҹәтүл Ислам вәл Мүслимин Шејх Әли Сәиди дејиб ки, Түркијә Ислам Дүнјасынын рәһбәри олмағ фикриндәдир: “Түркијәнин баш назири Сурија һадисәләриндә бир нечә ролу ејни вахтда ојнамаға чалышыр. Даһа доғрусу, Әрдоған ја Османлы империјасынын јухусуну ҝөрүр, ја да Сәудијјә Әрәбистаны илә Мисирин бөлҝәдәки нүфузунун зәифләдијини нәзәрә алараг ислам дүнјасынын рәһбәрлијини әлә кечирмәјә чалышыр. Бунун исә мүхтәлиф сәбәбләри вар. Ола билсин ки, Америка бу өлкәјә бөјүк вәдләр вериб.
Түркијәдә Әдаләт вә Инкишаф Партијасыны јарадыб ирәли апаран сијаси ҹәрәјанын Сурија мәсәләсиндә белә бир мөвге сәрҝиләмәси ҝөзләнилмәз иди. Һеч кәс Түркијәнин баш назириндән ҝөзләмирди ки, бир тәрәфдән рәсми бир иҹласда сионист исраил режим рәсмиләри илә гызғын мүбаһисәләр апарараг анти-Исраил жести илә чыхыш етсин, диҝәр тәрәфдән дә Америка вә Инҝилтәрә илә һәртәрәфли әмәкдашлыг етсин. Һесаб едирәм ки, бу икили сијасәт Түркијә баш назиринин хејринә олмајаҹаг. Түркијә әһалиси буна дөзмәјәҹәк. Чүнки бу өлкәнин мүсәлман әһалиси ҹәнаб Әрдоғанын партијасындан бөлҝәдә ҝедән ислам ојанышы һәрәкатынын јанында олмасыны вә сионист режимин гаршысында дајанмасыны ҝөзләјирди”.
P.S. Имам Хаменеји ҹәнабларынын Сепаһдакы Нүмајәндәсинин “Һесаб едирәм ки, бу икили сијасәт Түркијә баш назиринин хејринә олмајаҹаг. Түркијә әһалиси буна дөзмәјәҹәк...”- сөзләри архасында хејли мәналар јатыр.
Диггәт: Хәбәрдән истифадә етдикдә мәнбәјә истинад лазымдыр
