Әһли Бејт -АБНА- хәбәр аҝентлијинин вердији хәбәрә әсасән Дүнја Мүсәлманларынын Али Лидери Имам Хаменеји һәзрәтләринин Әрдәбил Останы үзрә нүмајәндәси Һөҹҹәтүл-ислам вәл-мүслимин Сејид Һәсән Амили Әрдәбилин бу һәфтәки ҹүмә намазынын хүтбәләриндә деди: "Јахын Шәрг бөјүк вә һәссас бир дәјишиклик астанасындадыр. Белә ки, АБШ, Чин, Авропа вә Русија кими өлкәләр Јахын Шәргдә өз марагларыны һәссас билир вә бу реҝионда нүфуз газанмаг, енержи мәнбәләри әлдә етмәк үчүн бир-бирләри илә рәгабәт апарырлар. Чүнки онлар баша дүшүбләр ки, һәр кәс Јахын Шәрги әлә кечирә билсә, дүнјанын ағалығы вә рәһбәрлији онун әлиндә олаҹаг".
Әрдәбил әһалисинин Хубриган Мәҹлисиндә нүмајәндәси ачыглады: "АБШ, Түркијәјә тәзјиг етмәк үчүн ПКК террорчу дәстәсини тәҹһизатландырмшыдыр. Бу дәстә Түркијәдә индијә кими террор әмәлијјатлары илә 45 мин инсанын өлүмүнә сәбәб олмушдур. АБШ, бир сыра сијаси мәсәләләрдә Түркијәјә гаршы бу васитәдән истифадә етмишдир".
Амили вурғулады: "Бу өлкә ПЖАК дәстәсини тәһрик етмәклә ејни модели Иранда да һәјата кечирмәк истәди. Лакин СЕПАҺ-ын сајыглығы нәтиҹәсиндә бу һијлә бешикдәҹә боғулду".
Әрдәбилин имам ҹүмәси артырды: "АБШ мүхтәлиф өлкәләрдә гошун јерләшдирмәк вә мүхтәлиф групары тәһрик етмәклә сионист режим үчүн реҝионал мүһафизә јаратмаг истәјир. Белә ки, Мисир сионист режимә нефт вә газ ихраҹыны дајандырдыгдан сонра Азәрбајҹанын башчылары бу режимин нефт вә газыны тәмин етмәјә һазыр олдугларыны билдирдиләр".
Әрдәбилин имам ҹүмәси хүтбәләринин диҝәр бир һиссәсиндә Әрдоғанын ислами принсипләрә бағлылыг вә ислами һиҹаб мөвзусундан ҝери чәкилмәси сәбәбини Американын тәзјигләри олдуғуну билдирәрәк деди: "Әрдоған өз ислами тәфәккүрүндән АБШ-ын тәзјигләри нәтиҹәсиндә әл чәкди вә 2008-ҹи илдән бу өлкәдә һиҹаб гадағасы мөвзусуна АБШ-ын тәзјиги сәбәбинә дөзүбдүр".
Әрдәбил әһалисинин Хубриган Мәҹлисиндә нүмајәндәси хүтбәләринин давамында АБШ-ын ҝизли планларынын үстүнү ачараг, заманын иблисинин Јахын Шәргдә 32 јени өлкә јаратмаға чалышмасыны вә бу реҝионун өлкәләринин милли һакимијјәт вә мүстәгиллијинә хәләл ҝәтирмәк истәмәсиндән хәбәр верди.
Сејид Һәсән Амили вурғулады: "Азәрбајҹанын мүдафиә назиринин Гарабағы мүһарибә јолу илә азад етмәјин мүмкүнлүјүнү билдирмәсинә ҹаваб олан АБШ-ын јени һәрәкәтләри, өлкәләрин милли һакимијјәт вә мүстәгиллијинә әһәмијјәт вермәмәсини ҝөстәрир вә заманын өтмәси илә Гарабағын ҝери алынмасыны тарихин јаддашындан силмәјә чалышыр. Азәрбајҹан әсҝәрләрини дөјүш хәттиндән узаглашдырмаг вә Гарабағын азадлығы уғрунда дүшмәнлә һәгиги мүбаризәдән чәкиндирмәклә бу әразинин азадлыг китабыны һәмишәлик бағламаг фикриндәдир".
Диггәт: Хәбәрдән истифадә етдикдә мәнбәјә истинад лазымдыр
